Akupacyjnaja administracyja Zaparožža zajaviła, što vyvoziła ŭkrainskich dziaciej u Biełaruś
Prapahandyst Ryhor Azaronak znoŭ źjeździŭ na akupavanyja terytoryi Ukrainy, dzie zakranuŭ temu vyvazu ŭkrainskich dziaciej u Biełaruś i parazmaŭlaŭ ź biełarusam, jaki vajuje na baku Rasii.
U efiry kanała STB Ryhor Azaronak pakazaŭ, jak sustreŭsia z pradstaŭnikom akupacyjnaj administracyi Zaparožskaj vobłaści Ukrainy Siarhiejem Tałmačovym, jaki faktyčna pryznaŭ fakty vyvazu adtul dziaciej u Biełaruś.
«Zaparožskaja vobłaść užo vyvoziła dziaciej u Respubliku Biełaruś. Biełaruś — heta naš stratehičny, asnoŭny partnior i sajuźnik siarod usich krain jak postsavieckaha łahiera, tak i va ŭsim śviecie. Tamu ŭžo našy dzieci — i asabliva z paŭnočnych terytoryj — vyjazdžali tudy na adpačynak. Litaralna niadaŭna heta było, miesiac tamu.
Usie pryjechali akrylenyja, natchnionyja. Usim tam vielmi spadabałasia, tamu Biełarusi ščyry dziakuj», — skazaŭ miascovy pradstaŭnik kałabaracyjnaj administracyi.
Akramia jaho, prapahandyst taksama sustreŭsia z rasijskim sałdatam z pazyŭnym «Sałaviej», jaki naradziŭsia ŭ Horadni.
Pa słovach chłopca, jaho mabilizavali jašče vosieńniu minułaha hoda, a zatym paśla dvuch miesiacaŭ navučańnia adpravili na vajnu, dzie jon užo braŭ udzieł u bajach.
«Ja abraŭ hety šlach samastojna. Užo sa studzienia znachodžusia u zonie bajavych dziejańniaŭ. Braŭ udzieł u bajach, byŭ u akopach. Ni ab čym nie škaduju. Chaču pieradać babuli i dziadulu pryvitańnie. My ŭsie z Horadni. I baćku, jon taksama z Horadni. Ich imiony i proźviščy nazyvać nie budu. Jany mianie ŭbačać, zrazumiejuć. Tak što pieramoha budzie za nami, usio budzie dobra», — zajaviŭ chłopiec padčas razmovy z Azaronkam.
Nahadajem, što niadaŭna viadomy paralimpijec i pierakanany prychilnik Łukašenki Alaksiej Tałaj u intervju BiełTA pryznaŭ, što vyvaz ukrainskich dziaciej u Biełaruś uchvaliŭ asabista Łukašenka. Raniej padobnaje stała asnoŭnaj pryčynaj vydačy ordara na aryšt Uładzimira Pucina z boku Mižnarodnaha kryminalnaha suda.
U Kijevie paćvierdzili ŭdzieł režymu Łukašenki ŭ prymusovym pieramiaščeńni ŭkrainskich dziaciej
Łatuška acaniŭ imaviernaść vydačy ordara na aryšt Łukašenki za raźmiaščeńnie vyviezienych z Ukrainy dziaciej
Niekalki krain ES pahadziłasia źviarnucca ŭ Mižnarodny kryminalny sud z pryčyny departacyi ŭkrainskich dziaciej u Biełaruś
Ciapier čytajuć
Bietanavać hrošy — nacyjanalnaja ideja biełarusaŭ? Paraŭnali tempy budaŭnictva ŭ Biełarusi, Polščy, Litvie i Łatvii11
Kamientary