Biełaruskaha mastaka-hraficista padazrajuć u razmaloŭcy vahonaŭ mietro ŭ Vjetnamie
Stała viadoma, što biełaruskaha mastaka-hraficista padazrajuć u tym, što jon razmalavaŭ vahony mietro ŭ vjetnamskim horadzie Chašymin, piša miascovaja presa.
Adznačajecca, što da razmaloŭki ciahnika moža być datyčny 30-hadovy biełaruski mastak pa imieni Siarhiej Iljeŭski. Taksama ŭ liku padazravanych jašče adzin inšaziemiec, asoba jakoha pakul nie ŭstanoŭlena.
Da padobnaj vysnovy supracoŭniki vjetnamskaj palicyi pryjšli paśla ahladu na miescy, a taksama praviadzieńnia analizu zdymkaŭ z kamier videanazirańnia.
Pavodle infarmacyi miedyja, biełarus jość mastakom-hraficistam. Jon užo trojčy pryjazdžaŭ u Vjetnam.
Udakładniajecca, što malunki na adnym z vahonaŭ vyjaviŭ rabotnik depo, dzie na terytoryi 20 hiektaraŭ znachodzicca 17 ciahnikoŭ mietro, 30 krasavika 2023 hoda.
Raniej Siarhiej Iljeŭski adznačaŭsia rośpisam vahonaŭ mietro ŭ azierbajdžanskim Baku, u 2016 hodzie jaho za heta zatrymlivali. Hetym razam, jak paviedamlajecca, jon 3 červienia paśpieŭ źjechać z Vjetnama ŭ Sinhapur.
Zamiest Chahi Vahi — Karłsan. U Baranavičach u sacyjalnaj rekłamie sučasnyja malunki dla dziaciej pieramalavali na savieckija
Na Zybickaj adkryli novuju art-prastoru — tam možna pakaštavać firmovuju bierlinskuju stravu
Brytanskaja para patraciła $250 000, kab prybrać z doma murał Benksi
U Lachavičach prajavili kreatyŭ u afarmleńni aŭtobusnych prypynkaŭ
Kamientary