Biełarusy, zatrymanyja ŭ Maskvie za zapusk šaroŭ, bolš za sutki nie vychodziać na suviaź. Dzie ich dzieci — nieviadoma
Telefony Hałaŭlovych vyklučanyja bolš za sutki.
Para, zatrymanaja za zapusk u nieba na pavietranych šarach bieła-sinie-biełaha ściaha, užo bolš za sutki nie vychodzić na suviaź. Pra heta sa spasyłkaj na pryjaciela zatrymanych piša «Miedyjazona».
Sa słoŭ Michaiła, telefony Hałaŭlovych vyklučanyja bolš za sutki. Pry hetym na sajcie Čartanaŭskaha rajonnaha suda ŭčora dniom źjaviłasia kartka ź infarmacyjaj ab administracyjnym pratakole na Dźmitryja Hałaŭlova pa artykule ab drobnym chulihanstvie (častka 1 artykuła 20.1 KaAP).
«Abaroncu, jaki 23 maja pryjechaŭ u sud užo paśla razhladu pratakoła, admovilisia vydać pastanovu i navat nie skazali, ci aryštavany Dźmitryj. Praz sutki paśla zatrymańnia muža i žonki nie atrymlivajecca znajści ich u nivodnym sa śpiecpryjomnikaŭ Maskvy.
«Jon hramadzianin Biełarusi, tak što ja vykazaŭ zdahadku, što [jon u] Sacharava (rajon Maskvy), ale tam mnie z učarašniaha viečara kažuć, što jaho niama. Mohuć chłusić, viadoma, ale mnie chočacca vieryć, što tam niešta typu štrafu i jany ŭžo doma, prosta z telefonami niešta zdaryłasia», — skazaŭ Michaił.
U Julii, sa słoŭ surazmoŭcy «Miedyjazony», rasijskaje hramadzianstva. Taksama ŭ siamiejnaj pary dvoje dziaciej, adnamu ź ich mienš za šeść miesiacaŭ. Dzie ciapier znachodziacca dzieci Hałaŭlovych, nieviadoma.
Ciapier čytajuć
Niaŭdałaje techničnaje rašeńnie doraha abyšłosia arhanizataram hałasavańnia ŭ Kaardynacyjnuju radu2
Niaŭdałaje techničnaje rašeńnie doraha abyšłosia arhanizataram hałasavańnia ŭ Kaardynacyjnuju radu
Statkievič: Lidary ruchu za demakratyju pavinny zastavacca ŭ krainie, navat kali košt hetaha vialiki. Dyjaspara moža adyhrać tolki dapamožnuju rolu5656
Kamientary