Što źviazvaje Juliju Vysockuju ź Biełaruśsiu? Našmat bolš, čym vy dumajecie
Julija Vysockaja voś užo dvaccać hadoŭ viadzie kulinarnuju teleprahramu «Jamo doma!». Z taho času jana zamacavałasia ŭ śviadomaści telehledača jak daśviedčany i kreatyŭny kulinar. Ale apošnija tydni ŭ siecivie virusiacca kavałki pieradačy, dzie ŭ viadoŭcy, miakka kažučy, stravy nie vielmi ŭdalisia.
Nie ŭsie viedajuć, što peŭny čas žyćcio i karjera Vysockaj byli źviazany ź Biełaruśsiu: jana vučyłasia ŭ Minsku, pracavała na telebačańni i navat była hołasam minskaha mietro.
Julija Vysockaja vyrasła ŭ siamji vajskoŭca, tamu jaje dziacinstva prajšło ŭ pastajannych raźjezdach. Paśla zakančeńnia vučoby ŭ Baku dziaŭčyna, jakaja ź dziacinstva maryła stać aktrysaj, vyrašyła pastupać u Biełaruski teatralna-mastacki instytut (ciapier heta Akademija mastactvaŭ).
U toj hod u instytucie nie nabirali ruskamoŭnaj hrupy, a Vysockaja nie vałodała biełaruskaj movaj. Ale talenavituju dziaŭčynu ŭziali, i ŭžo pieršuju siesiju jana zdavała pa-biełarusku.
Va ŭniviersitecie Vysockaja fiktyŭna vyjšła zamuž za akciora Anatola Kata. Heta było patrebna, kab atrymać biełaruskaje hramadzianstva i pracavać u Teatry imia Janki Kupały.
Mienavita ŭ hałoŭnym biełaruskim teatry aktrysa ŭpieršyniu vyjšła na vialikuju scenu. U 1992-m studentka teatralnaha instytuta debiutavała ŭ kino.
Ruskaja dziaŭčyna nastolki dobra avałodała biełaruskaj movaj, što navat stała hołasam Minskaha mietrapalitena. Pra heta jana raskazvała ŭ svaim videabłohu. Ale, miarkujučy pa ŭsim, hołasam Vysockaj minskaje mietro havaryła niadoŭha.
Taksama ŭ Minsku pačałasia i jaje televizijnaja karjera. Vysockaja była adnoj ź viadoŭcaŭ prahramy «Abibok», jakaja ŭjaŭlała saboj dajdžest kulturnaha žyćcia za tydzień.
Režysior Ivan Pinihin prydumaŭ dla dziaŭčyny psieŭdanim Julija Karusiel.
Prahrama, darečy, taksama vychodziła pa-biełarusku.
Ambicyi talenavitaj aktrysy jaŭna nie abmiažoŭvalisia Biełaruśsiu. U 1996 hodzie jana paznajomiłasia sa znakamitym kinarežysioram Andrejem Kančałoŭskim, jaki zakachaŭsia ŭ maładuju dziaŭčynu. Praz dva hady jany pažanilisia i žyvuć razam dahetul. U ich dvoje dziaciej.
Akramia svajoj telepieradačy, Vysockaja hraje ŭ filmach svajho muža. U 2018 hodzie jana atrymała zvańnie zasłužanaj artystki Rasii.
Niahledziačy na viadomaść u Rasii, jana pryznajecca, što ŭ Biełarusi jaje ŭsprymali i ŭsprymajuć jak svaju.
Byłaja aktrysa Kupałaŭskaha ŭžo 20 hadoŭ viadzie kulinarnaje šou. Ale ciapier sacsietki ŭharajuć ź VIDEA jaje kucharstva
BRSM zapuściŭ fłešmob z prasłaŭleńniem čyrvona-zialonaj simvoliki. Moładź umiašałasia — i fłešmob pajšoŭ nie tudy
Skandał: błohierka z Baranavičaŭ źniałasia ŭ nieprystojnaj pozie na mahile słavutaha muzykanta
Ciapier čytajuć
Čym ciapier zajmajucca dziaŭčaty, jakich letaś nazvali samymi pryhožymi ŭ Biełarusi?9
Čym ciapier zajmajucca dziaŭčaty, jakich letaś nazvali samymi pryhožymi ŭ Biełarusi?
Mistyčnaje koła Vilni: Kalinoŭski byŭ pachavany ź miedaljonam śviatyni, kala jakoj vyras hatyčny pałac doktara z-pad Oršy. Ciapier pareštki Kalinoŭskaha pierapachavali ŭ mahilni taho ž doktara2121
Kamientary