Skandał: błohierka z Baranavičaŭ źniałasia ŭ nieprystojnaj pozie na mahile słavutaha muzykanta
Błohierka Alaŭcina Falkoŭski źniałasia ŭ nieprystojnaj pozie na miescy pachavańnia eks-frontmena rasijskaha hurta «Karol i Šut» Michaiła Haršaniova. Heta nie spadabałasia jaho žoncy i prychilnikam.
Fotazdymak jarkaj i ekscentryčnaj madeli i błohierki z Baranavičaŭ Alaŭciny Falkoŭski, jakaja siadzić u trusach u pravakacyjnaj pozie na mahile viadomaha rokiera Michaiła Haršaniova (Harščka) u Pieciarburhu, raźlaciełasia pa sietcy 4 maja, paviedamlaje baranavicki partał Bar24.
Kali było zroblenaje fota, nie paviedamlajecca, u sacsietkach samoj Alaŭciny jaho niama. Adnak jano vyklikała chvalu abureńnia ŭ prychilnikaŭ tvorčaści i ŭdavy muzykanta.
Volha Haršaniova paličyła hetuju fotasiesiju apahańvańniem mahiły jaje muža i źviarnułasia ŭ pravaachoŭnyja orhany. Taksama na svajoj staroncy ŭ sacyjalnych sietkach jana paprasiła prychilnikaŭ tvorčaści jaje niabožčyka muža napisać «hetamu stvareńniu» ŭ asabistyja paru słovaŭ, zło pavinna być pakaranaje».
Na ckavańnie, jakoje pačałosia ŭ internecie, Alaŭcina Falkoŭski na svajoj staroncy ŭ sacsietkach zajaviła, što nie razumieje pryčynu takoj reakcyi, bo, ź jaje słoŭ, «tam uvieś čas «buchajuć» ludzi, źbirajucca kampanijami i heta nie ličycca apahańvańniem.
«Z-za taho, što heta było ŭ trusach, fatahrafija maja ŭ trusach, heta apahaniła panka-rokiera? Ja tady ŭžo nie razumieju ničoha», — skazała jana.
Ciapier čytajuć
Kachanak Anžaliki Mielnikavaj — ahient biełaruskich śpiecsłužbaŭ z pašpartam prykryćcia8
Kamientary