Biełaruskaja fatohrafka zrabiła rezanansnuju paštoŭku da 8 Sakavika
«U dupu kvietki, žančyna choča svabody Biełarusi!», «U dupu kvietki, žančyna choča pieramohi Ukrainy!». Z takimi podpisami fatohrafka Alina Mazaviec zrabiła paštoŭki, jakija pryśviaciła baraćbie žančyn za ŭłasnyja pravy.
Antyprapahandy kvietak tut niama. Prosta kvietkami nielha zakryvać usie dzirki ŭ sacyjalnaj niaroŭnaści. Ciapier žančyny (i dumaju, što mužčyny taksama) jak nikoli chočuć mira, pieramohi i voli.
Sama dziaŭčyna čaściakom sutykałasia z dyskryminacyjaj.
Niejak u parku mužčyna schapiŭ mianie za ruku i paciahnuŭ da niejkich kustoŭ, taksama nichto nie dapamoh adbivacca. Ja razumieju, što heta adbyvajecca tamu, što ja dziaŭčyna, dastatkova nievysokaja i dalikatnaja na vyhlad. Takich vypadkaŭ było šmat.
«Ale heta taksama i pra śviata, dastatkova pryjemny i radasny dzień, jaho možna i patrebna śviatkavać viesieła, ale biez padmien paniaćciaŭ, — tłumačyć jana. — Dumaju, što ŭ cełym kłasna, što mnohija havorać pra sapraŭdnuju historyju hetaha śviata. Heta nie pra piaščotu, viasnu, a dzień padtrymki žančyn u baraćbie za ŭłasnyja pravy. Nie dumaju, što treba bajacca hetaha śviata, jak, naprykład, 23 lutaha, da jaho jość pytańni. 8 Sakavika — heta mahčymaść padśviacić značnaść žančyn u navucy, kultury, litaratury i inšych śfierach.
Alina sprabuje davieści, što žančyny robiać šmat.
Kali mnie pišuć: «Chto ty? fatohrafka? Cha-cha», tut biez šancaŭ. U mianie bolš niama resursaŭ štości tłumačyć takomu čałavieku. Tamu, chto prosta pacikavicca, ja spakojna raskažu, prainfarmuju. Musić, tolki tak možna zmahacca», — tłumačyć dziaŭčyna.
«Važna razumieć, što na mnie nie lažyć usia praca zmahańnia z hetymi kompleksami, — kaža jana. — Šlach pa pryniaćci siabie vialiki i niaprosty. Prosta kažu, što ja prymaju strachi čałavieka, jakoha fatahrafuju, ale nie ŭskładaju na siabie adkaznaść poŭnaha zbavieńnia ad kompleksaŭ inšaha čałavieka. Fotasiesija — važnaja častka šlachu pryniaćcia siabie, ale daloka nie panaceja. Tut patrebnaja i stałaja praca samoha čałavieka, i jaho atačeńnia, i, mahčyma, psichołaha.
Najlepšym padarunkam dla Aliny na 8 Sakavika było b niešta źviazanaje z fatahrafijaj.
Čytajcie taksama:
Ekskluziŭnyja Apple Watch i niečakany kaspłej. Što cikavaha my znajšli ŭ harderobach čynoŭnic
Chto zabaraniaje ŭ Biełarusi knihi — voś hetyja 22 čałavieki33
Kamientary
a ŭ zahałoŭku - "Biełaruskaja fatohrafka zrabiła rezanansnuju paštoŭku da 8 Sakavika"
Ged., nu jaki ž vy maniuka
a chto heta dniami byŭ skazaŭ - "Šanoŭnaja surazmoŭca, ty supiarečyš sama sabie." https://d2accbiqacj5y8.cloudfront.net/311446 ? ha? i kamu heta cikava jon skazaŭ?
ciapier kančatkova jasna, što samomu sabie