Premjer‑ministry Biełarusi i Rasii Siarhiej Sidorski i Uładzimir Pucin sustrenucca 28 kastryčnika ŭ Maskvie.
Premjer‑ministry Biełarusi i Rasii Siarhiej Sidorski i Uładzimir Pucin sustrenucca 28 kastryčnika ŭ Maskvie.
Zapłanavany pieramovy premjeraŭ u pašyranym składzie, a taksama pasiadžeńnie Savieta ministraŭ Sajuznaj dziaržavy. Płanujecca taksama, što Sidorski sustreniecca z kiraŭnikom Śbierbanka Rasii Hiermanam Hrefam.
U paradku dnia pasiadžeńnia sajuznaha Saŭmina kala 25 pytańniaŭ. U pryvatnaści, buduć praanalizavany vyniki vykanańnia płana sumiesnych dziejańniaŭ uradaŭ dźviuch krain pa minimizacyi nastupstvaŭ finansavaha kryzisu, palapšeńni paramietraŭ płaciežnaha bałansu, udaskanaleńni ŭmoŭ viadzieńnia pradprymalnickaj dziejnaści i ŭzajemnaha handlu, buduć padviedzieny vyniki handlova‑ekanamičnaha supracoŭnictva Biełarusi i Rasii za pieršaje paŭhodździe 2009 hoda.
Na pasiadžeńni budzie razhledžany prajekt dekreta Vyšejšaha dziaržsavieta Sajuznaj dziaržavy «Ab biudžecie Sajuznaj dziaržavy na 2010 hod».
Płanujecca taksama abmierkavać infarmacyju ab vykanańni prahramy ŭzhodnienych dziejańniaŭ u halinie źniešniaj palityki Biełarusi i Rasii na 2008—2009 hady i dakład ab chodzie realizacyi kancepcyi sacyjalnaha raźvićcia Sajuznaj dziaržavy da 2010 hoda.
Apošni raz Sidorski i Pucin sustrakalisia 6 kastryčnika ŭ Maskvie. Padrabiaznaści tych pieramoŭ zastalisia nieviadomyja,
niahledziačy na toje što sustreča doŭžyłasia jak minimum čatyry hadziny. Pavodle nieaficyjnaj infarmacyi, premjery abmiarkoŭvali pytańni pa canie na haz i ab vydzialeńni Biełarusi kredytu.
U pačatku sustrečy Pucin zajaviŭ, što Biełaruś karystajecca samymi lhotnymi ŭ SND i ŭ śviecie cenami na enierhanośbity z Rasii, a taksama adznačyŭ, što panižanyja pošliny na naftu zabiaśpiečvajuć zahruzku biełaruskich naftapierapracoŭčych pradpryjemstvaŭ i dazvalajuć im ažyćciaŭlać dastatkova vialiki abjom ekspartu.
Viadoma, što prajekt biudžetu Biełarusi na 2010 hod sfarmiravany zychodziačy z prahnozu siaredniehadavoj cany na haz u pamiery 166 dalaraŭ za tysiaču kubamietraŭ (ciapier — 115 dalaraŭ). Adnak u «Hazpromie» nazyvali inšuju mahčymuju ličbu koštu hazu dla Biełarusi — 200 dalaraŭ. Akramia taho, «Hazprom» patrabuje likvidacyi zapazyčanaści za pastaŭleny ŭ Biełaruś u 2009 hodzie haz.
5 kastryčnika vice‑premjer urada Rasii, ministr finansaŭ Alaksiej Kudryn zajaviŭ žurnalistam, što Rasija «pakul nie razhladaje» pytańnie ab vydzialeńni Biełarusi apošniaha tranšu kredytu ŭ 500 młn. dalaraŭ ZŠA z zajaŭlenaha raniej abjomu stabilizacyjnaha kredytu ŭ 2 młrd. dalaraŭ.
Viadoma taksama, što Biełaruś zapytvaje ŭ Rasii kredytnuju liniju na budaŭnictva pieršaj atamnaj elektrastancyi. Havorka idzie pra sumu ŭ 9 młrd. dalaraŭ.
Kamientary