Skłali śpisy palitźniavolenych, jakija patrabujuć vyzvaleńnia ŭ pieršuju čarhu
Składzienyja śpisy palitźniavolenych, jakija patrabujuć vyzvaleńnia ŭ pieršuju čarhu. Pra heta paviedamiŭ Valeryj Kavaleŭski, adkazny za zamiežnyja spravy ŭ Abjadnanym pierachodnym kabiniecie. «Jość vialikaja kolkaść žančyn siarod palitźniavolenych, jość niepaŭnaletnija, chvoryja, ludzi ź invalidnaściu. Tym nie mienš, vielmi važna razumieć, što takija pieramovy kali i viaducca, jany prachodziać vielmi i vielmi zakryta», — adznačyŭ Valeryj Kavaleŭski na sustrečy biełarusaŭ Varšavy z členami APK 23 studzienia, piša «Radyjo Svaboda».
«I kali my bačym, što kahości vyzvalili, paviercie, heta nie adbyvajecca prosta tak. Heta vynik peŭnych damoŭlenaściaŭ. I pra kaho viaducca pieramovy, my nie daviedvajemsia adrazu, moža prajści vielmi praciahły čas. Mohuć prajści hady, pakul my daviedajemsia, chto nasamreč spryčyniŭsia da hetaha. Mienavita tamu, što heta vielmi ryzykoŭnaja sprava, u pieršuju čarhu reputacyjna.
Tamu darujcie, my nie možam nazyvać, chto ŭdzielničaje ŭ hetych pracesach, jakija krainy, jakija struktury, jakija asoby heta robiać. Ale, tym nie mienš, my šukajem takija mahčymaści», — zapeŭniŭ Valeryj Kavaleŭski.
Na ŭdakładniajučaje pytańnie «Radyjo Svaboda» pra toje, chto zajmajecca składańniem śpisaŭ palitźniavolenych, jakich u pieršuju čarhu nieabchodna vyzvalić, jakija jość pryjarytety, Kavaleŭski adkazaŭ, što heta praca z pravaabaroncami, svajakami palitźniavolenych, humanitarnymi arhanizacyjami.
«U pieršuju čarhu havorka idzie pra žančyn, niepaŭnaletnich, tych ludziej, jakija chvarejuć — tut najpierš uličvajucca całkam abjektyŭnyja pryčyny i kryteryi», — zapeŭniŭ Valeryj Kavaleŭski.
-
U Smalensku asudzili hramadzianina Rasii, jaki ŭ 2020‑m pahražaŭ ustavić pałku śpiecnazaŭcu z v/č 3214, što ŭdzielničaŭ u razhonie pratestaŭ
-
Sud u Kijevie admoviŭsia vyzvalić z-pad varty padazravanuju ŭ špijanažy Inu Kardaš
-
MZS Biełarusi nazvaŭ jadziernuju zbroju «najbolš racyjanalnaj mieraj nacbiaśpieki»
Ciapier čytajuć
19‑hadovy kursant Akademii MUS nabiŭ sabie na łbie mišeń i pajechaŭ šturmavać Zaparožža. Ideja spracavała16
19‑hadovy kursant Akademii MUS nabiŭ sabie na łbie mišeń i pajechaŭ šturmavać Zaparožža. Ideja spracavała
Statkievič: Lidary ruchu za demakratyju pavinny zastavacca ŭ krainie, navat kali košt hetaha vialiki. Dyjaspara moža adyhrać tolki dapamožnuju rolu4444
Kamientary