Zapasy fosfaru i kaliju pavialičylisia ŭ 3-4 razy.
Pra heta paviedamiŭ siońnia na pres-kanfierencyi da Dnia mielijaratara hałoŭny navukovy supracoŭnik Instytuta hlebaznaŭstva i ahrachimii Nacyjanalnaj akademii navuk Vital Łapo, pieradaje BIEŁTA.
«Hleba — hałoŭnaje nacyjanalnaje bahaćcie krainy, asnova ŭsioj sielskahaspadarčaj vytvorčaści, charčovaj biaśpieki. Tamu zachavańnie ŭradlivaści hleb — heta pryjarytet dziaržavy», — skazaŭ navukoviec.
Pavodle jaho słoŭ, kantrol za ŭradlivaściu hleby pravodzicca ŭ krainie z 1970 hoda. Jaho ažyćciaŭlaje ahrachimičnaja słužba Biełarusi pad navukovym kiraŭnictvam instytuta.
Prasočvajecca dynamika asnoŭnych ułaścivaściaŭ hleby, i na asnovie hetaha raspracoŭvajecca kompleks mierapryjemstvaŭ pa pavyšeńni ŭradlivaści. Hetyja źviestki zachoŭvajucca ŭ banku danych ahrachimičnych ułaścivaściaŭ hleb Biełarusi. Na praciahu ŭžo bolš čym 40 hadoŭ jon pastajanna papaŭniajecca, infarmacyja nazapašvajecca i aktualizujecca.
Pavodle Vitala Łapo, na terytoryi Biełarusi pieravažajuć dziarnova-padzolistyja hleby. Jany nie vielmi bahatyja na pažyŭnyja elemienty, majuć kisłuju reakcyju asiarodździa.
«Kali ŭziać apošnija hady, to zapasy fosfaru i kaliju pavysilisia ŭ 3-4 razy, praktyčna aptymizavanaja hlebavaja kisłotnaść, pavialičyŭsia pakazčyk utrymańnia pierahnoju ŭ vornych hlebach da 2,26%.
Dziakujučy płanamiernaj pastajannaj pracy, u Biełarusi sfarmavaŭsia masiŭ vysokapładarodnych hleb, jakija naličvajuć kala 25%.
Hety «załaty zapas» dazvalaje atrymlivać vielmi vysokija ŭradžai pry minimalnych vydatkach uhnajeńniaŭ», — akcentavaŭ uvahu hałoŭny navukovy supracoŭnik.
-
«Biełavija» admianiła rejs u Tel-Aviŭ. A ŭ Dochu adpraviać pusty samalot, jaki zabiare biełaruskich turystaŭ
-
Ruku minčanki zaciahnuła ŭ ciestaraskatvałku: vyzvalać žančynu daviałosia z dapamohaj bienzareza
-
Zamiest štrafu za samahon — kryminalnaja sprava: na Słuččynie žančyna raśpichała chabar pa kišeniach učastkovym pakul jaje zdymali na kamieru
Kamientary