«Jon svaju rolu adyhraŭ». Łukašenka maje namier pravieści naradu z rezidentami PVT
«U svoj čas biez usialakaj mody stvaryli Park vysokich technałohij. Jon svaju rolu adyhraŭ i adyhryvaje ŭ ciapierašni čas», — zajaviŭ siońnia Łukašenka.
«Ja chaču, kab vy siońnia hetuju temu zakranuli i prainfarmavali mianie, što tam adbyvajecca ŭ hetym parku, nakolki tam tendencyja adtoku kadraŭ.
Jak mianie infarmujuć: taki ŭžo tam adtok, što zaŭtra zahinie Biełaruś biez ajcišnikaŭ», — adznačyŭ siońnia Alaksandr Łukašenka, słuchajučy dakład pa prajekcie ŭkaza ab orhanie dziaržaŭnaha kiravańnia ŭ śfiery ličbavaha raźvićcia i pytańniach infarmatyzacyi.
Jon raskazaŭ ab płanach pravieści naradu z pradstaŭnikami IT-śfiery, jakija pracujuć u PVT, i pryniać šerah rašeńniaŭ.
«Praces adjezdu niekatorych ajcišnikaŭ ŭsie-taki nazirajecca, i, mahčyma, jon nie mały. Nam treba pahladzieć z punktu hledžańnia biaśpieki, nakolki heta niebiaśpiečna dla Biełarusi. Ź inšaha punktu hledžańnia, treba ŭsio ž taki razabracca z IT-technałohijami, IT-parkami i z hetymi ajcišnikami, kab u nas byli roŭnyja ŭmovy dla ŭsich. Čas pryjšoŭ dla taho, kab vyrašać hetyja pytańni», — padkreśliŭ Łukašenka.
Azaronak napisaŭ pra palitemihranta — paśla hetaha brata i baćku taho kinuli za kraty2
Azaronak napisaŭ pra palitemihranta — paśla hetaha brata i baćku taho kinuli za kraty
Jak vypadkovaje znajomstva ŭ hiej-kłubie skončyłasia hučnym zabojstvam. Novyja detali pa spravie biełarusa, jaki 25 hadoŭ tamu zarezaŭ pradziusara ŭ Maskvie66
Kamientary