Sudziać «kibierpartyzana». Jahony baćka: «Pravilna sudziać, i viedać nie chaču!»
U Minskim haradskim sudzie pa artykułach 350 č. 2 (madyfikacyja kampjutarnaj infarmacyi) i art. 130 č. 1 (raspalvańnie varažniečy) sudździa Jaŭhien Chatkievič sudzić dyrektara łahistyčnaj kampanii Siarhieja Lachnoviča. Jak viadoma «Našaj Nivie», mužčynie ŭ vinu staviać udzieł u kibieratacy na sajt BDMU vosieńniu 2020-ha.
Tam historyja takaja, što «kibierpartyzany» prapanavali ŭsim achvotnym addać mahutnaści svajoj techniki dla ataki na sajt BDMU, jaki ŭ vyniku niejki čas byŭ niedasiažny.
Vosieńniu 2021-ha siłaviki adrapartavali, što ŭstanavili častku tych, chto ŭdzielničaŭ u atacy, nazvaŭšy ich «kibierpartyzanami». Choć heta zusim nie tak, havorka chutčej idzie pra vypadkovych ludziej, jakija nie zamaskiravali svoj udzieł. Tak i Lachnovič — łahist, a nie prahramist.
«Naša Niva» pazvaniła ŭ siamju Lachnoviča spytacca, jak jany ŭsprymajuć sud nad svaim svajakom, jakomu pahražaje da 5 hadoŭ pazbaŭleńnia voli.
«Viedać nie viedaju! Da lichtara mnie, sudziać — pravilna sudziać, i viedać nie chaču!», — skazaŭ baćka Siarhieja, Viktar Lachnovič.
Kamientary