Pucin: Kali ZŠA nas nie pačujuć, vajenny adkaz moža być «samym roznym»
Vajenna-techničny adkaz Rasii pry admovie ZŠA i NATA razhladać tak zvanyja «prapanovy pa harantyjach biaśpieki» moža być «samym roznym». Ab hetym zajaviŭ prezident Rasii Uładzimir Pucin.
«Jon [adkaz] moža być samym roznym. Heta zaležyć ad tych prapanoŭ, jakija zrobiać mnie našy vajennyja ekśpierty», — adkazaŭ jon na pytańnie pra toje, jakim moža być adkaz Rasii ŭ vypadku, kali ZŠA i NATA «nie pačujuć nas i hetym razam».
Nahadajem, apošnija miesiacy, na fonie źjaŭleńnia vialikaj kolkaści rasijskich vojskaŭ na miažy z Ukrainaj, rasijski prezident patrabuje ad zachodnich krain, u tym liku ad Džo Bajdena, «harantyj biaśpieki», hałoŭnaj ź jakich źjaŭlajecca nieŭstupleńnie Ukrainy ŭ NATA. Choć sam Pucin na pačatku svajoj prezidenckaj karjery, u 2000 hodzie, nie vyklučaŭ, što Rasija ŭ pierśpiektyvie sama moža stać členam NATA. Adnak ustupleńnie ŭ błok krain Centralnaj i Uschodniaj Jeŭropy vyklikała niervovuju reakcyju ŭ Maskvie.
Kamientary