Stała viadoma, jak budzie vyhladać novy žyły kvartał u elitnaj vioscy Tarasava pad Minskam
Ždanovicki sielski vykankam siońnia vynies na hramadskaje abmierkavańnie prajekt budaŭnictva žyłoha rajona ŭ rajonie vioscy Tarasava pad Minskam. Realt.by pakazvaje, što tut źbirajucca pabudavać.
Terytoryja ŭčastka, jaki prapanujuć zabudavać, raźmieščana la paŭdniovaj miažy vioski Tarasava na zachodniaj uskrainie Minska.
Miarkujučy pa kancepcyi, tut chočuć uźvieści žyły kompleks, handlovy i sacyjalny abjekty.
Kompleks składajecca ŭ tym liku sa zbłakavanych adnakvaternych dvuchpaviarchovych žyłych damoŭ typu bujnapanelnaha domabudavańnia. Ale ŭ asnoŭnym heta buduć trochpaviarchovyja, piacipaviarchovyja i siamipaviarchovyja žyłyja damy. Taksama płanujecca dziciačy sad na 150 miescaŭ i dvuchpaviarchovy handlovy centr.
Akramia hetaha, tut chočuć zrabić płoskasnyja aŭtastajanki i adkrytyja šmatuzroŭnievyja parkinhi.
Kamientary