«Moj tata byŭ śvietłym čałaviekam»: Pavieł Sieviaryniec namalavaŭ dla svajho syna partret svajho baćki FOTAFAKT
Pra heta napisała ŭ svaim fejsbuku Volha Sieviaryniec.
Kanstancin Sieviaryniec pamior 1 kastryčnika ŭ vyniku nastupstvaŭ karanavirusa. Paŭła, jaki adbyvaje termin — jaho asudzili da siami hadoŭ źniavoleńnia — u škłoŭskaj kałonii, na pachavańnie nie adpuścili. Dla svajho syna Franciška jon namalavaŭ partret dzieda.
«…Moj tata, a tvoj — dzied, byŭ čałaviekam śvietłym, talenavitym, dabradušnym i ščodrym. Naradziŭsia jon va Unorycy. Mienavita jon patłumačyŭ mnie, što naša rodnaja mova — biełaruskaja, i što Biełaruś maje być niezaležnaj. Jon dahladaŭ mianie razam z babaj Taniaj, majoj matulaj, karmiŭ, apranaŭ, hadavaŭ i vychoŭvaŭ. Usich nas, dziaciej, jon vadziŭ na futboł, vaziŭ u hryby — i, kaniečnie, letam adpraŭlaŭ u lubuju Unorycu. Kali jon prychodziŭ dachaty, to zvaniŭ u zvanok badziora i viesieła — «tam-tam-tararam-tara-tara-taram!», i my ŭsie padchoplivali: «Voś i tata pryjšoŭ!»
Dzied Kościa pisaŭ vielmi dobryja vieršy, bahata dapamahaŭ inšym, raskazvaŭ pra Biełaruś, vučyŭ stavicca da žyćcia spakojna, dobra hatavaŭ i składaŭ cełyja knižki dla dziaciej.Słovam, tvoj dzied Kastuś Sieviaryniec byŭ cudoŭnym čałaviekam. Viedaj heta. Vielmi šmat ludziej kažuć pra jaho dobryja słovy i pravodzili jaho na nieba. Dasyłaju tabie jahony partret — i dziakuju tabie za malitvu za dzieda Kościu!» — napisaŭ synu Pavieł Sieviaryniec.
Što viadoma pra 18‑hadovuju biaspraŭnicu Dzijanu, jakaja razam z dvuma siabrami raźbiłasia ŭnačy ŭ Vilejskim rajonie?19
Što viadoma pra 18‑hadovuju biaspraŭnicu Dzijanu, jakaja razam z dvuma siabrami raźbiłasia ŭnačy ŭ Vilejskim rajonie?
«Paśla pieršaha zabojstva ź im raźviałasia žonka». Što viadoma pra šmatdzietnaha Siarhieja sa Stolinskaha rajona, jaki paśla vyzvaleńnia z kałonii zabiŭ troch čałaviek33
Kamientary