Pinievič pra źjaŭleńnie indyjskaha štamu ŭ Biełarusi: Heta padstava pryščaplacca, vakcyny chapaje
Pra toje ministr achovy zdaroŭja Dźmitryj Pinievič zajaviŭ na pasiadžeńni Bresckaha abłvykankama, paviedamlaje Minzdaroŭja ŭ svaim telehram-kanale.

Fota Minzdaroŭja
«Źjaŭleńnie indyjskaha štamu dla nas — čarhovaja padstava aktyvizavać pracu, a dla hramadzian — vakcynavacca. Vakcyny ciapier chapaje, pa našych źviestkach. Luby typ vakcyn vałodaje achoŭnaj ułaścivaściu i nie pryvodzić da ciažkich nastupstvaŭ. Tamu vysnova vielmi prostaja: vakcynacyja — adzin z najvažniejšych kampanientaŭ naroŭni z maskami i dystancyjavańniem», — skazaŭ ministr.
«Pieršyja vypadki źjavilisia, i heta zakon epidemijałohii: kali štam źjaviŭsia, jon budzie raźvivacca. Hetak ža było z brytanskim štamam, jaki ciapier u nas pieravažaje. Pa zajavach našych kalehaŭ z Rasii, mienavita indyjski štam pasłužyŭ pryčynaj rostu zachvorvańnia», — dadaŭ Dźmitryj Pinievič.
U hetaj suviazi Minzdaroŭja rekamienduje trymać u reziervie svabodnyja łožki na vypadak uzdymu zachvorvańnia. Naprykład, u Breście ciapier kala 500 takich łožkaŭ.
Kamientary