Statkievič raskazaŭ, kaho jašče buduć sudzić razam ź im. Siarod nazvanych — Cichanoŭski i Łosik
U liście Mikałaja Statkieviča z turmy za 28 sakavika palityk paviedamiŭ padrabiaznaści spravy, pa jakoj jon prachodzić abvinavačanym.
«Sudzić» razam sa mnoj buduć jašče Siarhieja Cichanoŭskaha, Arcioma Sakava, Dźmitryja Papova, Uładzimira Cyhanoviča, Ihara Łosika. Kožnaha z nas abvinavačvajuć pa art. 293 č. 1. Akramia taho, va ŭsich «saŭdzielnikaŭ», za vyklučeńniem adnaho mianie, jość jašče dadatkovyja artykuły KK.
Sutnaść «złačynstva» apisana ŭ «abvinavačvańni» nadzvyčaj šmatsłoŭna i zabłytana. Ale koratka jaho možna apisać tak: našy krytyčnyja da ŭłady vykazvańni ŭ internecie vyklikali rost pratesnych nastrojaŭ i pryviali da zbora «niearhanizavanaj masy ludziej», jakija ździejśnili «masavyja biesparadki». Značyć, my — arhanizatary hetych «biesparadkaŭ». Łohika!» — piša Statkievič.
Jon adznačaje, što pačaŭ znajomicca z materyjałami spravy — heta 110 tamoŭ, tamu aznajamleńnie moža raściahnucca na miesiac. Palityk adznačyŭ, što pačuvajecca dobra i paprasiŭ nie chvalavacca za jaho.
Artykuł, pra jaki havoryć Statkievič, — heta «Arhanizacyja masavych biesparadkaŭ, jakija supravadžalisia hvałtam nad asobaj, pahromami, padpałami, źniščeńniem majomaści albo ŭzbrojenym supracivam pradstaŭnikam ułady». Pakarańnie — pazbaŭleńnie voli na termin ad piaci da piatnaccaci hadoŭ.
Ciapier čytajuć
A my vam kazali: «nie dumajcie, što heta kapiejki»! Stali viadomyja źviestki, kolki padachodnaha biełarusy Litvy pieraličyli roznym hramadskim strukturam25
Kamientary