Maskoŭski patryjarchat rezka admoŭna pastaviŭsia da prapanovy biełaruskaha prezidenta pravieści sustreču Patryjarcha i Papy ŭ Biełarusi.
«Rasiejskaj pravasłaŭnaj carkvie i Ryma‑katalickaj carkvie nie patrebnyja jakijaści pasiaredniki dla vyrašeńnia takich pytańniaŭ, u ich jość mahčymaści dla praviadzieńnia pramych uzhadnieńniaŭ pa hetaj temie»,‑‑ zajaviŭ 8 traŭnia partału «Interfaks‑Relihija» namieśnik staršyni Adździełu zamiežnych carkoŭnych suviaziaŭ Maskoŭskaha patryjarchata pratajarej Hieorhij Rabych.
Tak jon prakamientavaŭ niadaŭniuju prapanovu Alaksandra Łukašenki pravieści sustreču Papy i Patryjarcha na terytoryi Biełarusi.
***
Tym časam padčas naviedvańnia 8 traŭnia Salihorska Alaksandr Łukašenka znoŭ zakranuŭ pytańnie sustrečy Patryjarcha i Papy.
U dyjałohu z Vatykanam niama palityčnaj padaploki, zajaviŭ Alaksandr Łukašenka. Niama tut nijakaj palityki i niama nijakaha drejfu ŭ bok Zachadu».
«Ślapy toj, chto nie bačyć realij. A realii takija: Biełaruś pa kolkaści katalikoŭ zajmaje druhoje miesca paśla Litvy na postsavieckaj prastory, — zaznačyŭ prezident.
— Heta sotni tysiač viernikaŭ, hramadzianie, jakija mianie padtrymlivajuć, ličać svaim prezidentam. Niaŭžo ja nie pavinien vykazvać i abaraniać ich intaresy?»
U toj ža čas Łukašenka padkreśliŭ, što pravasłaŭnaja kanfiesija «zaŭsiody zachoŭvała i budzie zachoŭvać svaju značnaść u žyćci biełaruskaj dziaržavy». «Vy ŭsie viedajecie, što ja sistematyčna sustrakajusia ź Sinodam BPC, naviedvaju carkvu, maju znosiny z vyšejšymi pravasłaŭnymi ijerarchami», — skazaŭ jon.
Łukašenka padkreśliŭ, što razmovy ab niemahčymaści sustrečy papy rymskaha i patryjarcha Maskoŭskaha — «poŭnaja łuchta».«Pryjdzie čas, i jany abaviazkova sustrenucca, — pierakanany jon. — Prosta siońnia jość niekatoryja prablemy, ale jany z časam buduć urehulavanyja».
«Jak skazaŭ papa rymski, kali Haspodź adčynić hetyja dźviery, to sustreča adbudziecca. I ŭ hetym vypadku Biełaruś prapanuje siabie miescam hetaj sustrečy», — zaznačyŭ prezident.
Zakranajučy razmovy ab tym, što Vatykan dapamahaje Biełarusi naładžvać adnosiny z Zachadam, Łukašenka skazaŭ: «Kažučy ščyra, Papa i druhi čałaviek Vatykana kardynał Biertonie rabili heta i da sustrečy sa mnoj, a za heta ja im skazaŭ vialikaje dziakuj», paviedamlaje BiełaPAN.
Ciapier čytajuć
Biełaruska kliča na viasielle zorku «Univiera», jaki za vajnu. Uprehsia ŭvieś Threads7
Kamientary