Niamieččyna vyšle dvuch supracoŭnikaŭ pasolstva Rasii ŭ suviazi z zabojstvam byłoha čačenskaha palavoha kamandzira, hramadzianina Hruzii Zielimchana Chanhašvili ŭ Bierlinie. Pra heta ŭ sieradu, 4 śniežnia, paviedamlaje MZS FRH na svaim sajcie.
Vysłanyja dypłamaty abvieščanyja piersonami non hrata. Viadoma, što spravaj zaniaŭsia hienieralny prakuror Niamieččyny. Pravaachoŭnyja orhany ličać, što ŭ ich dastatkova faktyčnych dokazaŭ dačynieńnia dziaržaŭnych orhanaŭ Rasii ci Respubliki Čačnia da zabojstva Chanhašvili.
Akramia taho, pasoł Rasii Siarhiej Niačajeŭ byŭ vyklikany ŭ MZS Hiermanii. Da hetaha stała viadoma, što Niamieččyna moža ŭvieści novyja sankcyi suprać Rasii ŭ vyniku rasśledavańnia hetaj spravy.
Raniej była ŭstanoŭlena asoba padazravanaha ŭ zabojstvie Chanhašvili. Im akazaŭsia rasijanin Vadzim Mikałajevič Krasikaŭ 1965 hodu naradžeńnia. Jaho źviazvajuć z zabojstvam u studzieni 2013 hoda. Tady «kiler na rovary» zabiŭ biznesmena z Kabardzina-Bałkaryi. Pa dadzienych žurnalistaŭ, zabojcu mohuć pakryvać rasijskija ŭłady. Adznačajecca, što jamu taksama ŭdałosia atrymać padrobleny zamiežny paspart z proźviščam Sakałoŭ i prajści miažu — biez dapamohi upłyvovych zastupnikaŭ jon nie zmoh by źjechać z krainy.
23 žniŭnia ŭ parku Bierlina byŭ zabity strełam u hałavu hramadzianin Hruzii čačenskaha pachodžańnia Zielimchan Chanhašvili, jakoha nazyvali adnym z nabližanych da Asłana Maschadava i Šamila Basajeva.
U Niamieččynie Krasikava zapadozryli ŭ suviaziach ź śpiecsłužbami RF. U rasijskim MZS nazvali takija zdahadki hłupstvam i zaklikali dačakacca zakančeńnia rasśledavańnia
Što viadoma pra 18‑hadovuju biaspraŭnicu Dzijanu, jakaja razam z dvuma siabrami raźbiłasia ŭnačy ŭ Vilejskim rajonie?19
Što viadoma pra 18‑hadovuju biaspraŭnicu Dzijanu, jakaja razam z dvuma siabrami raźbiłasia ŭnačy ŭ Vilejskim rajonie?
«Paśla pieršaha zabojstva ź im raźviałasia žonka». Što viadoma pra šmatdzietnaha Siarhieja sa Stolinskaha rajona, jaki paśla vyzvaleńnia z kałonii zabiŭ troch čałaviek33
Kamientary