Rasijski apazicyjanier Alaksiej Navalny ŭ efiry radyjostancyi «Echo Moskvy» vykazaŭ svajo mierkavańnie, ci zastaniecca Pucin paśla 2024 hoda kiraŭnikom Rasii, i jakija miechanizmy Pucin moža vykarystać, kab zastacca va ŭładzie paśla zakančeńnia svajho čaćviortaha prezidenckaha terminu.
Viadučy: Jak vy ličycie… Ciapier abmiarkoŭvajuć jašče roznyja sposaby, pry dapamozie jakich Pucin pasprabuje zastacca va ŭładzie i paśla 24-ha hoda. Pa-pieršaje, ci vierycie vy ŭ toje, što tak jano i budzie? I pa-druhoje, jakim šlacham, u vašym ujaŭleńni, moža pajści ŭłada dla praciahnieńnia terminu znachodžańnia Pucina va ŭładzie?
A. Navalny: Ja pierakanany, što tak budzie. I ja nie ŭjaŭlaju sabie niejkaha inšaha varyjanta, pry jakim Pucin stracić uładu. Płan Pucina zvodzicca da taho, kab być prezidentam ci kiraŭnikom dziaržavy, kantralavać uładu da śmierci. Ja navat nie dumaju, što im patrebnyja niejkija varyjanty, pry jakich budzie niejkaja parłamienckaja respublika…
Viadučy: Jak ź Biełaruśsiu…
A. Navalny: Varyjant ź Biełaruśsiu bolš realny. Heta značyć jon skaža: «Nu, raniej ža ja byŭ prezidentam Rasii, a ciapier jašče 12 hadoŭ ja budu prezidentam Rasii i Biełarusi». Voś niešta takoje całkam vierahodna. Ale ja dumaju, što jany prosta admieniać lubyja terminy. Pa prośbach pracoŭnych, Vałodzin uniasie zakonaprajekt ab admienie lubych abmiežavańniaŭ na praciahłaść znachodžańnia na prezidenckaj pasadzie, paśla čaho pad radasnyja apładysmienty ŭsich adzinarosaŭ hety zakon prymuć. I Pucin vyjdzie i skaža: «Nu, ja nie chacieŭ. Ale, vy viedajecie, ludzi ž prosiać».
Ciapier čytajuć
Rasijanka raskazvała pra hłybinnuju moc Łukašenki — ciapier jana ŭ ślazach źjazdžaje ź Biełarusi18
Kamientary