Handbalistki «Homiela» zavajavali zołata čempijanatu Biełarusi. U piatym, vyrašalnym matčy finalnaj sieryi hamialčanki ŭziali vierch nad samym tytułavanym kłubam krainy — minskim «BNTU-Biełazam», piša Tut.by.
Na parkiecie minskaha Pałaca sportu «Uručča» hości z Homiela vyjhrali ź likam 28:22.
Takim čynam, vynik finalnaj sieryi, jakaja zapatrabavała praviadzieńnia ŭsich piaci matčaŭ — 3:2 na karyść hamialčanak.
U pieršym matčy finalnaj sieryi macniejšym akazaŭsia BNTU-BiełAZ (27:23), u druhim pieramohu śviatkavali handbalistki Homiela (29:28), u trecim matčy BNTU znoŭ adoleŭ sapiernic z Homiela (32:31 u aviertajmie), i vyjšaŭ napierad u sieryi. Zatym u Homieli ŭ niervovaj i napružanaj baraćbie pośpiech śviatkavali haspadyni — 22:20. Nu i ŭ piatym matčy ŭ haściach znoŭ vyjhraŭ «Homiel» (28:22), hałoŭnym trenieram jakoha źjaŭlajecca nastaŭnik zbornaj Biełarusi Tomaž Čater.
Adznačym, što ŭ rehularnym čempijanacie najlepšym staŭ «BNTU-BiełAZ», jaki panios 1 paražeńnie ŭ 28 pajadynkach, hamialčanki stali druhimi, adstaŭšy na 4 ački.
Bronzavyja miedali žanočaha čempijanatu Biełarusi pa handbole vyjhrała «Viktoryja-Biareście» z Bresta, u sieryi za 3-je miesca, adoleŭšy babrujskuju «Biarezinu» — 3:0 (35:24, 36:29, 37:25).
Adznačym, što ŭ 15 suvierennych čempijanatach zapar vyjhravali zołata handbalistki BNTU (1993-2007) (kamanda hulała taksama pad šyldaj «Palitechnik», i BDPA), u 2008 hodzie ŭpieršyniu stali čempijonkami handbalistki «Haradničanki», zatym znoŭ tytuł na 7 hadoŭ viarnuŭsia da BNTU-BiełaAZu (2009-2015), i voś dva hady zapar zołata dastajecca «Homielu» (2016, 2017). U BNTU pa-raniejšamu zastałosia 22 tytuły.
-
Śpiecpasłańnik Trampa prapanavaŭ FIFA zamianić zbornuju Irana na čempijanacie śvietu jeŭrapiejskaj kamandaj. Ideja pa-valuntaryscku dziŭnaja
-
Narviehija admoviłasia prymać mižnarodnyja turniry pa vodnych vidach sportu, pratestujučy suprać biełarusaŭ i rasijan sa ściahami
-
Treniera zbornaj Biełarusi mohuć pryznać najlepšym u śviecie
Kamientary