U Viciebsku UAZ milicyi prataraniŭ maršrutku, jana pierakuliłasia VIDEA
U Viciebsku adbyłosia DTZ z udziełam milicejskaha «UAZa» i mikraaŭtobusa «Mercedes Sprinter», paviedamili Narodnyja naviny Viciebska. Zdareńnie zapisała kamiera videanazirańnia:
Milicejski UAZ ruchaŭsia z uklučanaj sirenaj. Jon nie skinuŭ chutkaść na skryžavańni. Kiroŭca maršrutki, imavierna, jaho nie bačyŭ za inšymi aŭtamabilami. Śviedki kažuć, što milicyja jechała bieź sireny.
«Ja išła na hetym skryžavańni. Byli tolki majački. A sireny 100% nie było», — kaža śviedka zdareńnia Viktoryja Vusava.
Vidać, milicyja śpiašałasia na niejki vyklik. Za niekalki siekundaŭ da sutyknieńnia inšaja milicejskaja mašyna ŭklučyła sirenu i praz dvajnuju sucelnuju pajechała naleva ŭ kirunku, kudy kiravaŭsia i UAZ. «Pieršaja patrulka ledź nie zataraniła mianie. Niesłasia i kala carkvy ŭklučyła sirenu. Ja paśpieŭ trochi źviarnuć u bok, jana vyskačyła na sustrečku na pavarocie», — kaža śviedka Siarhiej Alifier, jaki jechaŭ za mietraŭ 30 za maršrutkaj i sam cudam uniknuŭ sutyknieńnia, a paśla pieršym pabieh dapamahać paciarpiełym.
Jašče videa:
«Maršrutka išła na zialony, u druhoha UAZika byli tolki majaki, da ŭdaru na tormaz cisnuli abodva, było vidać i čuvać», — kaža jašče adzin śviedka Maksim Zajcaŭ.
Vinavatym u DTZ pryznajuć, imavierna, nie tolki kiroŭcu UAZika, ale i kiroŭcu maršrutki, bo aŭtamabili abaviazanyja sastupać darohu śpiecyjalnym transpartnym srodkam ź sinim majačkom.
Avaryja vyklikała škvał krytyčnych kamientaroŭ u adras viedamstva Šunieviča ŭ viciebskich hrupach sacyjalnych sietak.
Zdareńnie adbyłosia 15 krasavika kala 18:45.
Patrulnaje aŭto jechała pa vulicy Voinaŭ-internacyjanalistaŭ z boku kaścioła i na pierakryžavańni z vulicaj Čkałava ŭrezałasia ŭ maršrutnaje taksi №17, jakoje nakiroŭvałasia ŭ bok Maskoŭskaha praśpiekta. Mikraaŭtobus, u vyniku ŭdaru milicejskim «Uazam», pierakuliŭsia na bok.
U maršrutcy paciarpieli jak minimum čatyry čałavieki.
Usiaho ŭ maršrutcy, pavodle infarmacyi MNS, jechała 7 pasažyraŭ i kiroŭca, siarod ich — dvoje dziaciej. Usich pasažyraŭ mikraaŭtobusa dastavili ŭ balnicu, dakładna viadoma, što kiroŭca maršrutnaha taksi i pasažyry aŭtamabila «UAZ» nie paciarpieli.
Ciapier čytajuć
Chto toj zamiežnik, jaki zabiŭ žonku i zhvałtavaŭ padčarycu ŭ Dobrušy14
Chto toj zamiežnik, jaki zabiŭ žonku i zhvałtavaŭ padčarycu ŭ Dobrušy
Alaksandr Nadsan pieršy raz pryjechaŭ u Biełaruś paśla saraka hadoŭ emihracyi. Minskaja moładź niečakana znajšła ŭ im toje, čaho nie bačyła ŭ svaich baćkach88
Alaksandr Nadsan pieršy raz pryjechaŭ u Biełaruś paśla saraka hadoŭ emihracyi. Minskaja moładź niečakana znajšła ŭ im toje, čaho nie bačyła ŭ svaich baćkach8
«Kali i pryjedu ŭ Biełaruś, to ŭžo jak turyst». Arhienciniec chacieŭ zrabić biznes u Biełarusi, ale jaho vysłali za drabiazu. Ciapier dazvolili viarnucca, ale jość niuans22
Kamientary