NATA moža nie paśpieć dapamahčy krainam Bałtyi, pakazvaje novy analiz
Centr novaj amierykanskaj biaśpieki (CNAS) pravioŭ štabnuju hulniu z udziełam amal 50 dziejnych i byłych vysokapastaŭlenych vajskoŭcaŭ NATA, ES i krain Bałtyi ŭ lutym.
Z najaŭnym uzroŭniem arhanizacyi ahulnaj abarony NATO moža spaźnicca z dapamohaj armijam Litvy, Łatvii i Estonii ŭ vypadku rasijskaj ahresii, śviedčyć analiz Centra.
U vypadku apieracyi, padobnaj da krymskaj, i masiravanaj ataki rasijskich rehularnych vojskaŭ, jakija buduć padtrymanyja prapahandysckaj kampanijaj, kibier-apieracyjami i śpiecnazam, vojski NATA prosta nie paśpiejuć chutka adreahavać, ličać analityki.
Asnoŭnyja amierykanskija siły treba budzie pierakidvać z ZŠA, a sił, jakija znachodziacca ŭ Jeŭropie (Italii, Polščy, Hiermanii, krainach Bałtyi), moža być niedastatkova.
«Ciapier my majem tolki adnu rotu — mienš za 200 žaŭnieraŭ — u kožnaj z troch bałtyjskich krain», — ličyć suaŭtar dakładu, były supracoŭnik Pientahona Džulijana Śmit, pieradaje partał breakingdefense.com.
Bolš za toje, zastajecca nieabaronienaj Šviecyja, jakaja nie ŭvachodzić u NATA, a zachop vyspy Hotłand i chutkaje stvareńnie tam vajennaj bazy faktyčna moža zakryć bałtyjski rehijon dla aviacyi i fłota chaŭruśnikaŭ.
Nieabchodna padvysić uzrovień supracoŭnictva pamiž jeŭrapiejskimi siłami krain NATA i zrabić bolš prostaj sistemu kamandavańnia imi, ličać analityki.
«Ale dva dni, padčas jakich pravodziłasia štabnaja hulnia, dali taksama i pazityŭny vynik. Uzrovień surjoznaści, ź jakoj dziejnyja i byłyja vajskoŭcy udzielničali ŭ vučeńni, a taksama śmiełych idej, jakija byli prapanavanyja, byŭ nadzvyčajnym», — havorycca ŭ analityčnym dakładzie.
Ciapier čytajuć
Bialacki: Nie treba śpiašacca admianiać sankcyi. Bo heta budzie ŭspryniata režymam jak jaho pieramoha i słabaść Jeŭropy1
Kamientary