Admova ad Šenhienskich pahadnieńniaŭ stała by «trahičnaj pamyłkaj». Režym svabodnaha pieramiaščeńnia ŭ Jeŭropie nieabchodna nie admianiać, a raźvivać i ŭmacoŭvać, u pryvatnaści šlacham stvareńnia adzinaj pamiežnaj słužby ES. Z takoj zajavaj vystupiŭ siońnia z trybuny Jeŭrapiejskaha parłamienta ŭ Strasburhu prezident Francyi Fransua Aland.
«Padviarhać hety režym sumnievu i viartacca da unutranych miežaŭ było b trahičnaj pamyłkaj. Adnak rabić vyhlad, što Šenhien u ciapierašnim vyhladzie dazvalaje spraŭlacca ź ciskam na źniešnija rubiažy sajuza, było b inšaj pamyłkaj», — skazaŭ jon.
Jak adznačyŭ francuzski prezident, umacavańnie Šenhienskaj sistemy patrabuje, u pryvatnaści, stvareńnia «paŭnavartasnaj adzinaj palityki pradastaŭleńnia prytułku», a taksama «akazańnia efiektyŭnaha sadziejničańnia» krainam ES, jakija znachodziacca na miežach sajuza. «Heta patrabuje taksama stvareńnia adzinaha korpusa suchaputnych i prybiarežnych pahraničnikaŭ u ES», — skazaŭ Aland, padkreśliŭšy, što adzinaja Jeŭropa abaviazana «ruchacca napierad, a nie adstupać nazad».
Kamientary