Rasijskija artysty pryhrazili bajkotam «Ruskamu radyjo» u vypadku stvareńnia «patryjatyčnaha miedyjachołdynhu»
Mnohija rasijskija vykanaŭcy chočuć abjavić bajkot «Ruskaj miedyjahrupie» i adklikać svaje pieśni z efiru stancyj chołdynhu «Ruskaha radyjo», zajaviŭ pradziusier i muž śpiavački Valeryi Iosif Pryhožyn.
«Ruskaja miedyjahrupa» (RMH) — adzin z najbujniejšych miedyjachołdynhaŭ Rasii, u skład jakoha ŭvachodziać radyjostancyi «Ruskaje radyjo», «Chit FM», Maximum, Monte Carlo, DFM, a taksama rasijski muzyčny telekanał RuTV.
Stała viadoma, što na bazie RMH moža źjavicca «patryjatyčny miedyjachołdynh», što vyklikała niezadavolenaść niekatorych pradstaŭnikoŭ rasijskaha šou-biźniesu.
Jany źviarnulisia da Uładzimira Pucina z prośbaj nie dapuścić prodažu «Ruskaj miedyjahrupy» «Dziaržkancertu».
Tady Siarhiej Archipaŭ, jaki prapracavaŭ na pasadzie hiendyrektara RMH dzieviać dzion, zajaviŭ, što kiraŭnik «Dziaržkancertu» Siarhiej Bunin prasiŭ jaho prybrać z efiru kampazicyi rasijskich vykanaŭcaŭ, jakija raniej vystupili suprać prodažu RMH «Dziaržkancertu».
Pavodle Iosifa Pryhožyna, mnohija artysty hatovyja admovicca ad efiru na «Ruskim radyjo» i ŭdziełu ŭ zasnavanaj radyjostancyjaj premii «Załaty hramafon».
«Kali my adkličam kantent, to ŭ efiry prosta źjavicca dzirka. My hatovyja stvaryć svaju radyjostancyju. My nie dapuścim ździekaŭ nad nami», — zajaviŭ Pryhožyn.
U lipieni stała viadoma, što «Ruskuju Miedyjahrupu» kuplaje fiederalnaje dziaržaŭnaje pradpryjemstva «Dziaržkancert». Paviedamlałasia, što za ździełkaj staić pradziusar VIA «Ziamlanie», były kiraŭnik DUP «Kreml» i člen hramadskaha savieta fondu «Fiederacyja» Uładzimir Kisialoŭ.
Ciapier čytajuć
19‑hadovy kursant Akademii MUS nabiŭ sabie na łbie mišeń i pajechaŭ šturmavać Zaparožža. Ideja spracavała11
Kamientary