Eks-kandydat u prezidenty, były palitviazień Dźmitryj Us zajaviŭ u intervju «Našaj Nivie», što nie źbirajecca ŭdzielničać u prezidenckaj kampanii 2015 hoda. «Niaŭžo vy nie razumiejecie, što vybaraŭ niama?» – rytaryčna pytaje Us.
«Ja ŭ cyrku nie ŭdzielničaju, duryć ludziej nie źbirajusia, jak robiać vašy ŚMI», — skazaŭ Us.
Na zaŭvahu, a ci byli jany ŭ 2010 hodzie, pradprymalnik adkazaŭ: «Ja išoŭ tady na vybary, kab rastłumačyć, što ich niama. Chto chacieŭ – toj pačuŭ».
Dźmitryj Us raskazaŭ, što ciapier robić sajt «Biełaruska-rasijskich navin». «Chutka zapracuje na poŭnuju, budzie jak «Naša Niva», — skazaŭ jon.
Kantent novaha sajta Dźmitryja Usa davoli śpiecyfičny. U pryvatnaści, drukujecca videa fejka rasijskaj prapahandy, dzie nibyta «nacysty z «Azova» raśpiali apałčenca i spalili zažyva».
«Ja za ruski śviet u Biełarusi, — kaža Us. – Ja zaŭsiody byŭ za ruski śviet». Na dumku pradprymalnika, Łukašenka nie źjaŭlajecca častkaj ruskaha śvietu. «Ale ja najpierš čakaju źmienaŭ u ekanomicy, a nie palitycy. Kolki možna ŭžo budavać rynačny sacyjalizm, ludzi stanoviacca biadniejšymi štodnia».
Tamara Vińnikava pradała svoj łondanski dom, zaviešany karcinami samoj siabie ŠMAT FOTA23
Kamientary