Čaćviorty hod časopis Valstybe vybiraje ludziej, čyja dziejnaść, na dumku členaŭ redakcyi, najbolš spryjaje raźvićciu i stanaŭleńniu litoŭskaj dziaržavy.
U kancy 2013 hoda byli abranyja 17 kandydataŭ, čyja dziejnaść u śfierach sportu, kultury, navuki, biźniesu, palityki i ŚMI, na dumku redakcyi, zasłuhoŭvajuć asablivaj uvahi. Kančatkova rašeńnie, chto stanie čałaviekam hoda, hruntujecca na źviestkach reprezientatyŭnaha apytańnia.
Amal biez sumnieńniaŭ žychary Litvy vybrali čałaviekam hoda ŭ 2013 hodzie płyŭčychu, alimpijskuju čempijonku Łondana-2012 (100 m brasam) Rutu Miejłutycie. Siarod troch kandydataŭ jaje zhadali 75,5% apytanych.
Sioleta časopis naminavaŭ R.Miejłutycie nie tolki za spartyŭnyja pieramohi (zołata i srebra čempijanatu śvietu pa płavańni ŭ Barsiełonie, a taksama dva zołaty i srebra na čempijanacie Jeŭropy na karotkaj vadzie ŭ Danii), ale i za hramadzianskuju pazicyju.
U 2013 hodzie pačaŭ pracavać Dabračynny fond dapamohi Miejłutycie, ŭ śniežni 2013 hoda jana arhanizavała ŭ Vilni pieršy Siamiejny turnir pa płavańni. Achviaravańni pryvatnych sponsaraŭ i sabranyja padčas turniru srodki byli addadzienyja dzieciam, jakija pražyvajuć u siemjach, kudy Dzied Maroz nie prychodzić.
Płanujecca, što hety turnir stanie tradycyjnym, a Ruta śćviardžaje, što ŭ budučyni maje namier pravodzić i dziciačyja spartyŭnyja łahiery dla navučańnia dziaciej płavańniu.
Druhoje miesca ŭ apytańni zaniała prezident Litvy Dala Hrybaŭskajcie.
Na trecim miescy apynuŭsia znakamity litoŭski baskietbalist Jonas Vałančunas.
Kamientary