Ab hetym jon zajaviŭ na pres-kanfierencyi pa vynikach pasiadžeńnia Savieta kiraŭnikoŭ dziaržaŭ SND.
«My chacieli b, kab Hruzija viarnułasia ŭ skład SND», — cytuje Łukašenku RIA Novosti.
MZS Hruzii apieratyŭna adreahavaŭ na słovy biełaruskaha kiraŭnika. «Napeŭna, Łukašenka zajaviŭ ab hetym zychodziačy z taho, što ŭ Minsku pravodzicca pasiadžeńnie Savieta kiraŭnikoŭ dziaržaŭ SND. Realna naša pazicyja niaźmiennaja, naš źniešni kurs — heta jeŭrapiejskaja i jeŭraatłantyčnaja intehracyja. Heta źjaŭlajecca vybaram naroda Hruzii, i ŭrad krainy prytrymlivajecca hetaha kursu», — skazaŭ pradstaŭnik źniešniepalityčnaha viedamstva Hruzii.
Ab vychadzie Hruzii z SND zajaviŭ 12 žniŭnia 2008 hoda ŭ razhar hruzina-paŭdniovaasiecinskaha kanfliktu prezident Michaił Saakašvili. «My pryniali rašeńnie na asnovie kansultacyj i razam sa staršynioj parłamienta zajaŭlajem, što Hruzija pakidaje SND. My kančatkova raźvitvajemsia z Savieckim Sajuzam. Saviecki Sajuz siudy nikoli nie vierniecca. My zaklikajem Ukrainu i inšyja krainy pakinuć abjadnańnie Sadružnaść Niezaležnych Dziaržaŭ, jakim kiruje Rasija, nie pytajučysia ni ŭ kaho ni ab čym», — zajaviŭ Saakašvili.
9 kastryčnika 2008 hoda na pasiadžeńni Savieta ministraŭ zamiežnych spraŭ krain SND u Biškieku było pryniata techničnaje rašeńnie ab vychadzie Hruzii z arhanizacyi.
Ciapier čytajuć
Niaŭdałaje techničnaje rašeńnie doraha abyšłosia arhanizataram hałasavańnia ŭ Kaardynacyjnuju radu12
Niaŭdałaje techničnaje rašeńnie doraha abyšłosia arhanizataram hałasavańnia ŭ Kaardynacyjnuju radu
Statkievič: Lidary ruchu za demakratyju pavinny zastavacca ŭ krainie, navat kali košt hetaha vialiki. Dyjaspara moža adyhrać tolki dapamožnuju rolu6060
Kamientary