Biełaruski praparščyk zmahajecca za prava trapić u hrupu «VIA Hra»
«Kalehi pa MNS padtrymlivajuć mianie», — raskazała «Našaj Nivie» jana.
Biełaruska Alena Bierazina prajšła ŭ finał konkursu «Chaču ŭ VIA Hra» — prajekta, paśla jakoha musić źjavicca novy skład adnajmiennaha hurtu.
Što cikava, dziaŭčyna pracuje ŭ Ministerstvie nadzvyčajnych situacyj. «Naša Niva» zapytałasia ŭ dziaŭčyny, jak kalehi staviacca da jaje pośpiechaŭ u konkursie.
«Vydatna staviacca, — raskazała Alena Bierazina. — Reč u tym, što ja daŭno ŭdzielničaju va ŭsich mahčymych kastynhach i šou. Vidać, heta asablivaść majho charaktaru. A «VIA Hra» — heta maja mara ź dziacinstva, mnie zaŭsiody chaciełasia papracavać razam z Kanstancinam Mieładze.
Heta lehiendarny prajekt, usie dziaŭčyny marać trapić tudy.
Voś i ja, kali była maleńkaj dziaŭčynkaj, chacieła stać adnoj ź dziaŭčyn u «VIA Hra». A tut los sam praciahvaje mnie hety šaniec na dałoni.
NN: I vy dasiahnuli na konkursie peŭnych pośpiechaŭ?
AB: Ja ŭ finale! Na žal, nie mahu raskazać usich padrabiaznaściaŭ — heta ŭmova kantrakta. Adnak nas ciapier 23 dziaŭčyny. Musiła być 24, adnak udzielnica ad Hruzii pajechała na «Mis Suśviet». Ciapier nas rychtuje sam Mieładze, my žyviom u «Zornym domie». Z nami pracuje Ałan Badajeŭ ułasnaj piersonaj! Zaraz nas padzialili na vosiem hurtoŭ, pa try dziaŭčyny ŭ kožnym. Farmiravaŭ ich sam Mieładze. My spaborničajem u trojkach.
NN: Kali vieryć sacyjalnym sietkam, vy pracujecie ŭ MNS. Jak vašyja kalehi pastavilisia da ŭdziełu ŭ konkursie?
AB: Tak, ja pracuju salistkaj-vakalistkaj u arkiestry MNS. Ja vam skažu, što ŭ MNS słužać mužčyny ź vialikaj litary. Chto ž jašče pojdzie tušyć pažary, ryzykavać žyćciom — tolki sapraŭdnyja mužčyny.
Ci moža im nie padabacca taki lehiendarny prajekt, jak «VIA Hra»? Tam pryhožyja, maładyja, talenavityja dziaŭčyny.
Tamu maje kalehi całkam padtrymlivajuć mianie va ŭsim, što źviazana z «VIA Hra». Voś kali b hurt im nie padabaŭsia — tut by ŭžo ŭźnikali pytańni.
Ciapier čytajuć
Ad rekietu da prodažu fota mahił. Jak vyhladaje znutry hrupoŭka Project X, jakaja viarbuje ludziej dla pieravozki mihrantaŭ ź Biełarusi ŭ ES4
Kamientary