Razam z Vasilom Daŭhalovym jany pracavali na rahačoŭskim zavodzie «Dyjaprajektar». Kali Daŭhaloŭ pajšoŭ na pavyšeńnie ŭ Minsk, to zabraŭ z saboj i Kabiakova.Z časam Kabiakoŭ pieraros svajho apiekuna.
Siońniašni kiraŭnik Administracyi maje niestandartnuju adukacyju — skončyŭ Maskoŭski avijacyjny instytut.
Kabiakoŭ maje reputacyju «pracaholika», jon na pracy ad 8 da 21, časam i na vychodnych. Jość takaja lehienda, što syna Kabiakova chryściŭ asabista Łukašenka.A jašče Kabiakoŭ, jak i Prakapovič, zaŭsiody maje na tvary krychu vinavatuju ŭśmiešku.
Pa svajoj pasadzie adkazvaje za rasstanoŭku kadraŭ na roznych uzroŭniach.
Žanaty, maje syna i dačku.
***
Cytata: «A što mnie rabić u Maskvie? Nikudy źjazdžać z našaj krainy ja nie źbirajusia».
Listapad 2011.
***
Abjektyŭka
Naradziŭsia ŭ 1960 u Maskvie. Skončyŭ Maskoŭski avijacyjny instytut (1983), Minski narhas i Instytut palitałohii i sacyjalnaha kiravańnia KPB (1991). Pracavaŭ na zavodzie «Dyjaprajektar» (1985—1995). Namieśnik načalnika Słužby dziaržkantrolu (1995—1998). Staršynia KDK (1998—2000). Vice-premjer (2000—2002, 2003—2008). Ministr ekanomiki (2002—2003). Namieśnik kiraŭnika Administracyi prezidenta (2008—2010). Pasoł Biełarusi ŭ Rasii (2011—2012). Kiraŭnik Administracyi prezidenta ad 2012.
***
Piać faktaŭ pra Andreja Kabiakova
Ciapier čytajuć
Cichanoŭski: Cichanoŭskaj možna było ŭ 2020‑m nie pabajacca turmy. I, moža, u biełarusaŭ byŭ by šaniec126
Kamientary