U stalicy Belhii, na placy Šumana, pačałasia akcyja troch biełaruskich palityčnych uciekačoŭ.
Jany abvieścili haładoŭku, patrabujučy vyzvaleńnia palitźniavolenych u Biełarusi dy stvareńnia mižnarodnaj kamisii ŭ spravie źniknieńnia ŭ Biełarusi palitykaŭ i žurnalistaŭ. Haładoŭščyki trymajuć plakaty z partretami palitviaźniaŭ i nadpisami-pa anhielsku «Svabodu palitźniavolenym», «Jany siadziać u turmach tamu, što chacieli budavać u Biełarusi demakratyju», «Patrabujem stvaryć mižnarodnuju kamisiju, kab daśledavać palityčnyja spravy źniknieńniaŭ u Biełarusi». Chłopcy zajaŭlajuć, što buduć praciahvać akcyju, pakul im nia stanie drenna, — za ich stanam zdaroŭja budzie sačyć doktar-biełarus z Antverpenu.
U noč na 9 listapada bruselskaja palicyja nie dazvoliła chłopcam zastacca na placy, vytłumačyŭšy heta składanaj abstanoŭkaj u Bruseli načami.
Kamientary