Следчы камітэт адмаўляецца гаварыць пра выбух каля віцебскага КДБ
Прадстаўніца Віцебскага абласнога ўпраўлення следчага камітэта Іна Гарбачова адмовілася паведаміць, ці з'явіліся новыя падазраваныя ў крымінальнай справе, распачатай паводле артыкула «Хуліганства» па факце выбуху піратэхнічнай прылады ўвечары 11 лістапада.
«На цяперашні момант упраўленне Следчага камітэта па Віцебскай вобласці каментароў журналістам не дае і прычынаў адмовы не тлумачыць!» — адзінае, што сказала спадарыня Гарбачова ў тэлефоннай размове.
З гэтых словаў можна толькі меркаваць, што справа не скасаваная. Але іншыя дэталі невядомыя.
Апошняй заявай Следчага камітэтау па справе выбуху каля віцебскага КДБ было афіцыйнае паведамленне, распаўсюджанае некалькі дзён таму. У ім гаварылася, што ўсіх затрыманых — а іх у першыя гадзіны пасля выбуху было некалькі дзясяткаў — ужо адпусцілі. У тым ліку і трох чалавек, якія заставаліся падазраванымі па гэтай справе цягам трох сутак. І што на той момант падазраваных у здзяйсненні выбуху ў Следчага камітэта не было ўвогуле.
«Жэня пагадзіўся на будоўлю, а не ваяваць. І толькі калі выйдзе з запою!»: як прадалі ў расійскую армію жыхара Лёзна. Ахвяра не адна6
Каментары