За суткі міліцыянерамі Ленінскага РАУС Гродна быў раскрыты сур’ёзны крадзеж — ноччу 24 кастрычніка хтосьці пабываў у адным з магазінаў па вуліцы Ажэшкі ў абласным цэнтры, адкуль вынес металічны сейф, у якім знаходзілася больш як 40 млн. рублёў.Пра гэта паведамілі ў аддзеле інфармацыі і грамадскіх сувязяў УУС Гродзенскага аблвыканкама.
Ва ўчыненні злачынства падазраецца ў мінулым шэсць разоў судзімы мясцовы наркаман.
Паводле слоў начальніка аддзела крымінальнага вышуку Ленінскага РАУС Гродна Віталя Асоцкага, злачынца разбіў дзвярное шкло і пранік у магазін, адкуль украў металічную скрынку з грашовай выручкай. Дома ён яе адкрыў, забраў змесціва, а ад сейфа загадаў пазбавіцца сябру. Той выкінуў яго ў Нёман.
Раскрыць злачынства дапамаглі камеры відэаназірання, якія зафіксавалі, як падазроны сноўдаўся ў магазіне перад закрыццём і нічога не купіў.Сваю віну ён прызнае. Украдзеныя грошы канфіскаваны.
Крымінальная справа распачата паводле ч. 3 арт. 205 КК (крадзеж, учынены ў буйным памеры).
Цяпер чытаюць
Памятаеце Данііла з Офіса Ціханоўскай, якому за два дні сабралі грошы на анкалагічную аперацыю? Яму напісаў той самы аднакласнік, які яго ўдарыў — з чаго ўсё і пачалося44
Каментары