Маладых журналістаў і фатографаў запрашаюць у міжнародную праграму «Made in Belarus»
Незалежная праграма абмену "Made in Belarus" запрашае беларускіх маладых журналістаў і фатографаў да ўдзелу ў супольным праекце з калегамі з Еўропы ды Паўночнай Амерыкі.
Праграма складаецца з дзвюх частак, якія пройдуць у Мінску і Вільні.
5 журналістаў з Беларусі прыедуць у Вільню на супольную сустрэчу з еўрапейскімі ды амерыканскімі калегамі. Дзе цягам 5 дзён будуць удзельнічаць у лекцыях і дыскусіях, шукаць сувязі і адметнасці культурных цэнтраў Вільня і Мінск. Вынік супольнай працы будзе апублікаваны ў міжнародных медыях.
5 еўрапейскіх журналістаў наведаюць Мінск на 5 дзён, каб папрацаваць на мінскай глебе разам з беларускімі журналістамі, якія наведалі Вільню перад гэтым. Абедзве каманды будуць працаваць разам цягам усяго праекту. Выніковыя артыкулы, створаныя імі, будуць апублікаваныя ў незалежным еўрапейскім мультымоўным часопісе Cafebabel.
Хто
Журналісты/фатографы зь Беларусі з добрай англійскай. Узростам 18-30. Кожны ўдзельнік мусіць у выніку стварыць артыкул або фотарэпартаж па вандроўцы ў Вільню.
Лагістыка
Віза ды іншыя выдаткі ў Вільні забяспечваюць арганізатары. Болей інфармацыі можна атрымаць на старонцы Made in Belarus у Facebook.
Як далучыцца
Даслаць сваё CV з трыма ідэямі для артыкулаў, фотарэпартажаў або інтэрв'ю на мэйл [email protected] да 6 ліпеня.
Цяпер чытаюць
«Казаў, што знішчыць мяне, бо ў яго сувязі і пагоны». Былая жонка ваюе з падпалкоўнікам. Таго панізілі да ўчастковага6
Каментары