У Мсціславе расіяне пабіліся з беларусамі ў чарзе па прадукты

У інтэрнэце з’явілася інфармацыя пра тое, што ў цэнтральным універмагу Мсціслава (Магілёўская вобласць), што за 10 км ад мяжы з Расіяй, адбылася бойка мясцовых жыхароў і прыезджых расійцаў. Інцыдэнт справакавала расіянка, якая абразіла беларуску. З прычыны гэтага завязалася бойка паміж беларусамі і расіянамі, якія прыязджаюць у Мсціслаў па прадукты.

Як піша telegraf.by са спасылкай на паведамленне беларускага блогера lesnoi-slon, расійцы пачалі ездзіць у Мсціслаў па пакупкі тры-чатыры месяцы таму — адразу пасля таго, як у Беларусі ўпаў курс нацвалюты. Грамадзяне Расіі прычэпамі вывозяць і прадукты харчавання, і вопратку, і тэхніку. У цэнтральным універмагу заўсёды стаяць чэргі: расійцы скупляюць ежу мяшкамі, а вопратку і абутак — па некалькі камплектаў, не мераючы. У выходныя з аўтамабіляў, якія заязджаюць на мясцовы рынак, кожны другі — з расійскімі нумарамі.

Гэта выклікае незадаволенасць мясцовых жыхароў.

Некалькі дзён таму супрацоўніца Мсціслаўскай пошты ў абедзенны перапынак забегла ва ўнівермаг купіць пакет малака. Жанчына папрасіла людзей, якія стаяць у касу, прапусціць яе без чаргі, паколькі спазнялася на працу. Аднак пасля гэтай просьбы пачула абразы ад прыстойнай на выгляд жанчыны: «Вы, беларусы, — быдла, цярпілы і зброд, вы ў нас у Расіі будзеце рабамі, вы будзеце туалеты драіць, ды і тое, калі мы вырашым».

У адказ на гэта беларуска стала хвастаць расіянку набытым пакетам малака. За апошнюю заступіліся яе суайчыннікі, а беларусы — за сваю. Проста ў краме пачалася бойка, больш за дзесяць чалавек апынуліся запэцканыя малаком і смятанай. Супакоіць пакупнікоў змаглі толькі міліцыянты. Да расійцаў прэтэнзій яны не выказалі, а беларуску, якая пачала бойку, затрымалі. Ці прад’явілі ёй якія-небудзь абвінавачанні, не вядома. Імя жанчыны не выдаецца.

Пасля бойкі расійцам адпускаюць толькі па адной палцы каўбасы

Бойка выклікала рэзананс ва ўсім Мсціславе, яе абмяркоўвалі і на нарадзе ў выканкаме. «Прычым гаварылася ў тым кантэксце, што «адбыўся абуральны інцыдэнт, былі збітыя госці нашага горада», — адзначыў блогер.

«НН» звярнулася ў Мсціслаўскі РАУС з просьбай пракаментаваць гэтае паведамленне. Там адказалі, што канфлікты ў чэргах у мсціслаўскіх крамах сапраўды ёсць, але яны не выходзяць «за рамкі» і маюць форму слоўных перапалак. У прыватнасці, не было ніводнага выпадку, каб з нагоды канфлікту ў чарзе выклікалі нарад міліцыі

Між тым, як паведаміў пазней той самы блогер з спасылкай на сваіх знаёмых у Мсціславе, пасля інцыдэнту ў цэнтральным універмагу пачалі дзяжурыць супрацоўнікі падатковай інспекцыі і міліцыі. Яны сочаць за тым, каб прыезджыя расійцы не скуплялі ўсю прадукцыю. Напрыклад, ім адпускаюць не больш за адну палку каўбасы на аднаго чалавека. Акрамя таго, праваахоўныя органы забаранілі знаходзіцца тут валютчыкам.

Раней стала вядома, што

адміністрацыя магілёўскага гандлёвага цэнтра «Гіпа» абмежавала продаж каўбасных вырабаў і мясной вэнджаніны адным кілаграмам кожнага віду на рукі,

• 0
• 0
• 0
• 0
• 0
• 0
• 0
• 0