Еўрасаюз пабаяўся, што эканамічныя санкцыі даб'юць беларускую эканоміку
Але 13 суддзяў і пракурораў дадалі да чорнага спісу.
Міністры замежных справаў краін Еўрасаюза на сустрэчы ў Брусэлі дамовіліся аб пашырэнні санкцый супраць Беларусі, паведамляюць крыніцы ў дыпламатычных колах.
Афіцыйна аб рашэньні міністраў будзе абвешчана пазней. Дыпламаты кажуць, што спіс тых, каму забараняецца ўезд у ЕС і чые актывы замарожаныя, дапоўнены 13 асобамі. У спісе з прыкладна 170 асобаў знаходзіцца і ўнесены раней туды Аляксандр Лукашэнка.
Перад пачаткам сустрэчы чакалася, што санкцыі будуць уведзеныя і супраць шэрагу буйных беларускіх кампаніяў. Аднак таго не здарылася. Еўрапейцы не рашыліся на ўвядзенне санкцый у сітуацыі, калі беларускія фінансы, а з імі і незалежнасць аказаліся цалкам у залежнасці ад Масквы.
Пашырэнне санкцый стала адказам на прысуды ўдзельнікам акцыі пратэстаў у Мінску 19 снежня летась.
Цяпер чытаюць
Сталі вядомыя падрабязнасці пра трагедыю ў Полацкім манастыры16
Сталі вядомыя падрабязнасці пра трагедыю ў Полацкім манастыры
Памятаеце Данііла з Офіса Ціханоўскай, якому за два дні сабралі грошы на анкалагічную аперацыю? Яму напісаў той самы аднакласнік, які яго ўдарыў — з чаго ўсё і пачалося44
Каментары