Здарэнне адбылося ў аўторак у «Мінск-Свет» каля 18:10, паведамляе ДАІ.
Аўтамабіль рухаўся па вуліцы Бялградскай і пры павароце налева на вул. Ніколы Тэслы не саступіў дарогу школьніку, які перасякаў пешаходны пераход на самакаце.
Высветлілася, што хлопчык пачаў рух праз дарогу на мігаючы зялёны сігнал святлафора і не спыніўся на востраве бяспекі. Аўтамабіль зачапіў школьніка бортам.
Пасля сутыкнення хлопчык здолеў падняцца на ногі. Дзіця даставілі ў бальніцу для абследавання.
Каментары
А ў аўто ёсць бакавыя стойкі спераду, якія ствараюць зону нябачнасці, асабліва пры паваротах. З улікам хуткасці руху самакатаў, яны ў гэтай зоне нябачнасці могуць знаходзіцца даўжэй за пешаходаў, асабліва пры паваротах.
Большасць апошніх навінаў пра збіццё самакатчыкаў была менавіта пры здзяйсненні павароту кіроўцамі.
Зразумела, што кіроўцам патрэбна быць уважлівымі, але і самакатчыкам патрэбна распавядаць пра асаблівасці руху. Асабліва дзецям.
А калі б прыдумалі, як пазбавіцца гэтай зоны нябачнасці, гэта дадало б бяспекі для ўсіх