Віцебскі блогер праславіўся турэмнымі гісторыямі, але падобна, што яму давядзецца папаўняць іх запас
У беларускай блогасферы гэта, мабыць, такі першы выпадак, калі блогер, які пабудаваў кантэнт на турэмных гісторыях, можа зноў адправіцца ў тыя ж месцы за новымі сюжэтамі, піша тэлеграм-канал «Витебск, я гуляю!»
Віктар Еўшыкаў — не грамадзянін Беларусі, як ён расказвае ў сваіх роліках, але адматаў не менш за 6 гадоў у беларускіх калоніях (з 18 да 25 гадоў).
Пакаранне ў яго было па артыкуле аб распаўсюдзе наркотыкаў. За ўзорныя паводзіны Еўшыкаву крыху скарацілі тэрмін, а пасля вызвалення ён пасяліўся ў Віцебску. Паколькі маладосць мужчыны прыйшлася на турэмны перыяд, ён добра засвоіў турэмны побыт і стаў на гісторыях пра яго генераваць кантэнт.
На сёння ягоная аўдыторыя ў тыктоку налічвае больш за 30 тысяч падпісчыкаў, у інстаграме — амаль 18 тысяч. За сёння моцна вырасла і аўдыторыя ў тэлеграме, перавысіўшы 3 тысячы.
Увага да асобы Еўшыкава ў апошні час узрасла ў тым ліку і таму, што ён паўторна стаў абвінавачаным па ч. 1 арт. 328 КК — незаконны абарот наркатычных сродкаў.
Дзесьці ў кастрычніку мінулага года Следчы камітэт стаў дапытваць яго, і Віктар стаў намёкамі рыхтаваць да зменаў ва ўласным жыцці сваю аўдыторыю. Аднак паколькі крымінальны артыкул не называўся, то многія падпісчыкі лічылі, што ягоная эзопава мова — толькі для хайпа.
На самай справе Віктар Еўшыкаў сапраўды стаў спачатку падазраваным, а пазней і абвінавачаным. Сёння адбылося чарговае паседжанне, на якім ён ужо быў гатовы атрымаць чарговы тэрмін, але праз тое, што на суд не даставілі аднаго са сведак, пасяджэнне перанеслі на люты.
На пратэстанцкі фестываль у «Чыжоўку-Арэну» едзе амерыканскі прапаведнік Франклін Грэм. Разам з ім чакаюць Коўла з жонкай14
Каментары