У Іспаніі затрымалі беларуса, якога называюць адным з лідараў злачыннай міжнароднай хакерскай групоўкі
У выніку аперацыі праваахоўных органаў 12-ці краін, каардынаванай Еўрапалам, былі затрыманыя чатыры чалавекі, звязаныя са злачыннай міжнароднай хакерскай групоўкай. Сярод іх — беларус, якога іспанскія СМІ называюць адным з галоўных арганізатараў інфраструктуры LockBit, піша «Люстэрка».
Як піша выданне 20minutos.es, у аэрапорце Мадрыд-Барахас грамадзянская гвардыя затрымала аднаго з асноўных арганізатараў інфраструктуры LockBit — шкоднаснай праграмы, якая адказная за кібератакі ў больш чым 120 краінах і нанесла шкоду 2500 кампаніям, прыватным асобам і ўстановам.
Паводле крыніц, блізкіх да расследавання, затрыманы грамадзянін Беларусі, які жыў у Дубаі.
«Яго затрыманне стала часткай міжнароднай аперацыі, каардынаванай Еўрапалам, у якой таксама ўдзельнічалі Францыя, Вялікабрытанія і Іспанія. У ходзе аперацыі былі праведзеныя ператрусы і арышты ў 12 краінах.
Як паведаміла Галоўнае ўпраўленне грамадзянскай гвардыі, затрыманы з'яўляецца ключавой фігурай у інфраструктуры LockBit, бо кіраваў інтэрнэт-правайдарам, які забяспечваў ананімнасць і канфідэнцыйнасць кліентам групы», — піша выданне.
У межах гэтай самай аперацыі ўлады Францыі затрымалі меркаванага распрацоўшчыка LockBit, а брытанскія паліцэйскія арыштавалі двух чалавек за меркаваную падтрымку дзейнасці афіліятаў шкоднаснай праграмы.
LockBit лічыцца піянерам у выкарыстанні мадэляў вымагальніцтва, якія спрыяюць росту кіберзлачыннасці, робячы яе даступнай нават для людзей без перадавых тэхнічных навыкаў. З канца 2019 года гэтая праграма выкарыстоўваецца кіберзлачынцамі для пранікнення ў інфармацыйныя сістэмы ўстаноў і кампаній.
У маі ЗША выставілі абвінавачванні меркаванаму стваральніку і адміністратару LockBit — расіяніну Дзмітрыю Хорашаву — і прапанавалі ўзнагароду да 10 мільёнаў долараў за інфармацыю, якая прывядзе да яго арышту ці асуджэння.
Арыштаваны адзін з самых вядомых кіберзлачынцаў у свеце, ім аказаўся беларус. Што вядома пра Максіма Сільнікава?
Іранскія хакеры пераслалі крадзеную інфармацыю са штаба Трампа ў штаб Байдэна — ФБР
Макрон прапаноўваў Дураву перанесці штаб-кватэру Telegram у Парыж, а спецслужбы Францыі ламалі айфон заснавальніка месенджара
Каментары