Беларус з расійскага мінору забіў адзін з самых хуткіх галоў у гісторыі футболу
24-гадовы Мікалай Іваноў прабіў па варотах суперніка адразу пасля розыгрышу мяча з цэнтра поля.
Беларускі паўабаронца пяцігорскага «Машука-КМВ» Мікалай Іваноў забіў гол на другой секундзе матчу супраць «Хіміка» ў 14-м туры другой лігі (трэці футбольны дывізіён, група «Срэбра»).
24-гадовы Іваноў прабіў па варотах суперніка адразу пасля розыгрышу мяча з цэнтра поля і перакінуў брамніка «Хіміка».
Дзейным уладальнікам сусветнага рэкорду з'яўляецца футбаліст англійскага «Кройдана» (шосты дывізіён) Раян Хол, які ў аналагічнай сітуацыі забіў у лютым гэтага года. Тады на ўзяцце чужой брамы сышло 2,31 секунды, піша «Спорт-Экспресс».
Мікалай Іваноў выступае за «Машук» з сакавіка. Раней ён гуляў выключна за беларускія клубы: «Макслайн», мінскае «Дынама», «Мінск», «Нафтан», «Іслач» ды «Гомель».
Пазней Мікалай пракаментаваў свой гол.
«Перад свістком пачатку гульні Артур Умамудзінавіч [Садзіраў — галоўны трэнер клуба — НН] пачаў крычаць: «Коля, Коля!» Зразумеў, што брамнік далекавата выйшаў. Вось так і адважыўся прабіць!
Перад пачаткам сезону Артур Умамудзінавіч мне прапанаваў паспрабаваць на трэніроўцы, і я быў здзіўлены, але разумеў, што ў мяне можа атрымаецца. Супернік відаць нас дрэнна разабраў, бо некалькі разоў у сезоне я ўжо так спрабаваў, але беспаспяхова. Усе былі шакаваныя, першыя секунды пасля гола ніхто нічога не зразумеў, ды я і сам падумаў, можа, гэта сон?
Я нават не ведаю, як рэагаваць, што магу трапіць у Кнігу рэкордаў Гінэса. Я проста ў шоку і пакуль не да канца разумею, што адбылося», — цытуе football.by словы беларуса.
«Няма ў нас іншых беларусаў». Лідар «Драздоў» заклікаў дараваць тым, хто «не там лайк паставіў»47
«Няма ў нас іншых беларусаў». Лідар «Драздоў» заклікаў дараваць тым, хто «не там лайк паставіў»
Замест парэшткаў Вітаўта за сцяной Віленскай катэдры знайшлі толькі кучу камянёў. Але ўлады Літвы гатовыя выдаткаваць на працяг пошукаў яшчэ 1,5 мільёна еўра2626
Каментары