Падазраванаму ў згвалтаванні беларускі Лізы ў цэнтры Варшавы выставяць абвінавачванне ў забойстве
Дорыян С., які падазраецца ў жорсткім згвалтаванні і замаху на забойства маладой беларускай жанчыны ў цэнтры Варшавы, атрымае іншыя абвінавачванні. Сёння пракуратура прад'явіць яму абвінавачванне ў забойстве, піша RMF24.pl.
На змяненне рашэння следчых (раней яго абвінавачвалі ў згвалтаванні і замаху на забойства), паўплывалі вынікі ўскрыцця 25-гадовай беларускі.
Пасля жорсткага згвалтавання і збіцця Ліза трапіла ў бальніцу, дзе некалькі дзён знаходзілася ў рэанімацыі.
Хоць дактары змагаліся за яе жыццё, ахвяра згвалтавання ў рэшце рэшт памерла. Прычынай смерці стала смерць мозгу.
Першапачаткова ў абвінавачвання не было доказаў таго, што напад быў прамой прычынай смерці жанчыны.
Але цяпер сабраныя доказы дазваляюць выставіць 23-гадоваму мужчыну абвінавачванне ў забойстве.
На Лізавету напалі ў цэнтры Варшавы ў ноч на 25 лютага. Дзяўчыну згвалтавалі і збілі. Праз некалькі дзён яна памерла ў бальніцы. На яе пахаванне сабралася некалькі соцень чалавек.
У кватэры падазраванага ў згвалтаванні беларускі ў Варшаве знайшлі кнігу пра сэксуальныя злачынствы
Польская паліцыя расказала, як затрымала чалавека, што падазраецца ў згвалтаванні беларускі ў Варшаве
Для падтрымкі згвалтаванай і пакалечанай у Варшаве беларускі адкрылі дабрачынны збор
«Нейкі час яе сэрца не працавала». Хлопец беларускі, якую згвалтавалі ў цэнтры Варшавы, расказаў пра яе цяперашні стан
Беларуску згвалтавалі і спрабавалі задушыць у цэнтры Варшавы
На пратэстанцкі фестываль у «Чыжоўку-Арэну» едзе амерыканскі прапаведнік Франклін Грэм. Разам з ім чакаюць Коўла з жонкай14
Каментары