Расійскі «Першы канал» паведаміў пра смерць Навальнага толькі сёмай навіной
Першай быў рэпартаж аб паездцы Пуціна ў Чалябінск.
«Першы канал» у першым блоку навін пасля паведамлення аб смерці Аляксея Навальнага распавёў аб тым, што здарылася, толькі сёмай навіной. Важнейшай для федэральнага канала аказаліся паездка Уладзіміра Пуціна ў Чалябінск, сітуацыя на вайне ва Украіне і дастаўка дронаў на фронт, паведамляе «Агенцтва».
Вядучы падчас выпуску а 15:00 толькі пераказаў прэс-рэлізы Федэральнай службы выканання пакаранняў і СК аб смерці Навальнага.
Першай навіной выпуску стала паездка Пуціна ў Чалябінск.
Важнейшымі за смерць Навальнага таксама былі: зварот Пуціна да ўдзельнікаў форуму прыхільнікаў барацьбы з неакаланіялізмам «За свабоду нацыі», сітуацыя на вайне ва Украіне, дастаўка дронаў на фронт, узнагароджанне ваенных дзяржузнагародамі, каментар МЗС Расіі аб удары па Энерадары, камандзіроўка Мікалая Патрушава ў Бішкек.
Акрамя таго, пра смерць Навальнага ў эфіры канала таксама коратка паведамілі падчас шоу «Вялікая гульня», якое ішло да выпуску навін.
На «Расіі 1» у момант паведамлення аб смерці палітыка ішоў выпуск навін ад 14:00. Нягледзячы на гэта, вядучы нічога не сказаў пра тое, што адбылося.
Важней для канала аказаліся навіны пра вайну ва Украіне, «затрыманне дыверсантаў» у Беларусі, паездка Патрушава ў Бішкек, пад'ём у паветра новага беспілотніка, справаздачу міністра працы аб росце заробкаў расіянаў, а таксама анонс тэлешоу «Ну ўсё разам хорам». Пасля гэтага на канале паказалі навіны рэгіёнаў.
УФСІН па Ямала-Ненецкай акрузе паведаміла пра смерць Навальнага ў 14:19. Пазней прэс-сакратар прэзідэнта Дзмітрый Пяскоў пацвердзіў гэта. Паплечнікі Аляксея Навальнага паведамілі, што ў іх няма інфармацыі, якая пацвярджае смерць палітыка.
У калоніі раптоўна памёр Аляксей Навальны
Пяскоў паведаміў, што ў Крамля няма інфармацыі пра прычыны смерці Навальнага
У камандзе Навальнага заявілі, што ніякіх пацвярджэнняў смерці палітыка ў іх няма
«Пуцін трымаўся, калі яму расказалі пра смерць Навальнага» — «Коммерсант»
Хрыста Грозеў пра смерць Навальнага: «Ён урэшце быў забіты Пуціным сёння»
Як цяпер выглядаюць галоўныя старонкі сусветных медыя
Ціханоўская: Няма сумневаў у тым, што Навальнага мэтанакіравана забіў пуцінскі рэжым
«Відавочна, ён забіты Пуціным» — Зяленскі адрэагаваў на смерць Навальнага
Дэпутатам Дзярждумы забаранілі каментаваць паведамленне аб смерці Навальнага
Цяпер чытаюць
«А што адбываецца?» Чэргі на беларуска-расійскай мяжы цяпер не толькі на асноўным пераходзе, а нават на глухой дарозе4
«А што адбываецца?» Чэргі на беларуска-расійскай мяжы цяпер не толькі на асноўным пераходзе, а нават на глухой дарозе
Пасол Украіны па пытаннях Беларусі адказаў на дыскусію Вячоркі і крытыкаў Ціханоўскай: Ваша ўзаемная непрымальнасць адыгрывае вельмі неканструктыўную ролю5252
Каментары