Выданне «Утренний Юг» паведаміла пра затрыманне кубанскага экаактывіста Сяргея Сальнікава. Раней жыхар станіцы Палтаўскай у Краснадарскім краі разам з іншымі мясцовымі актывістамі прасіў дапамогі ў Аляксандра Лукашэнкі ў «сметнікавай» спрэчцы з мясцовымі ўладамі.
Пра затрыманне журналістам расказаў сам Сальнікаў. Як аказалася, 26 ліпеня яго спынілі супрацоўнікі ГІБДД (расійскі аналаг беларускай ДАІ), а пасля гэтага яго адправілі ў аддзел унутраных спраў. Высветлілася, што на актывіста склалі арыенціроўку, па якой апазналі яго машыну.
Мужчыну абвінавацілі ў закліку да несанкцыянаванага мітынгу і аштрафавалі на 15 тысяч расійскіх рублёў (каля 500 беларускіх). Падставай стала яго публікацыя ў тэлеграм-канале «Полтавская против свалки», дзе актывіст заклікаў суседзяў «не хавацца і не маўчаць». Рашэнне суда ён плануе абскардзіць.
Сальнікаў — адзін з жыхароў Палтаўскай, якія звярнуліся да Аляксандра Лукашэнкі ў апублікаваным 18 ліпеня відэа.
«Рыгорыч, дарагі наш! Мы ўсе бачылі, як ты спыніў «Марш справядлівасці», які ішоў на Маскву. Зараз жыхары станіцы Палтаўскай гатовыя пайсці такім жа маршам. Немагчыма тут жыць: нас проста забіваюць, экалагічны генацыд», — казаў тады Сальнікаў.
«Такому стаўленню тут, у Расіі, мы можам толькі зайздросціць». Пецярбургскія актывісты спадзяюцца, што Лукашэнка дапаможа ім выратаваць стары будынак
«Гэта адна з самых свабодных тэрыторый і адна з самых справядлівых». Спявак Сярога расказаў, чаму вярнуўся ў Беларусь
Юрый Антонаў на «Славянскім базары» пажадаў здароўя Лукашэнку, але падвяло яно яго самога
Цяпер чытаюць
Памятаеце Данііла з Офіса Ціханоўскай, якому за два дні сабралі грошы на анкалагічную аперацыю? Яму напісаў той самы аднакласнік, які яго ўдарыў — з чаго ўсё і пачалося44
Каментары