Кіраўнік Прадстаўніцтва ЕС у Беларусі Стэн Нёрлаў уручыў копіі даверчых грамат у беларускім МЗС.
«Дарагія сябры і падпісчыкі, для мяне вялікі гонар быць у Мінску ў якасці кіраўніка Прадстаўніцтва Еўрапейскага саюза ў Беларусі. Учора я ўручыў даверчыя граматы, якія пацвярджаюць маё прызначэнне ў якасці паверанага ў справах, у Міністэрстве замежных спраў. З больш чым чвэрцю стагоддзя дыпламатычнага досведу за плячыма і ўдзячнасцю Беларусі за цёплы прыём я з нецярпеннем чакаю магчымасці працаваць сумесна з беларусамі ва ўрадзе і па-за ім для агульнай будучыні ў Еўропе, бяспечнай, суверэннай, дэмакратычнай і квітнеючай», — напісаў спадар Нёрлаў у фэйсбуку.
Стэна Нёрлава прызначылі часовым павераным у справах ЕС у Беларусі ў красавіку. Раней ён займаў пасаду кіраўніка офіса, прадстаўніка генеральнага сакратара Рады Еўропы ў каардынацыі праграм супрацоўніцтва Рады Еўропы ва Украіне. Ён таксама працаваў намеснікам кіраўніка місіі пасольства Даніі ў Расійскай Федэрацыі, піша «Народная Воля».
Цяпер чытаюць
Даішнік, якога збіў машынай пенсіянер пад Мінскам, памёр у бальніцы. Яму зладзілі пышнае пахаванне18
Каментары