Крытычная сітуацыя ў Гомельскай жаночай калоніі №4: праз нашэсце мошак зняволеныя ходзяць у пухірах, але перадаваць рэпеленты не дазваляюць
З-за небывалай паводкі ў Гомелі цяпер неймавернае нашэсце мошак. І калі людзі на волі могуць паклапаціцца пра сябе і набыць, да прыкладу, неабходныя сродкі для абароны, то ў жанчын, якія адбываюць тэрміны ў калоніі, такой магчымасці няма, піша «Штодзень».
На ўкусы мошак рэакцыя можа быць самай рознай — ад моцнага свербу і раздражнення, да высокай тэмпературы і сур’ёзнай алергічнай рэакцыі.
Пры гэтым, як паведамляюць сваякі зняволеных, у калонію не прапускаюць ніякія сродкі абароны — іх проста нельга перадаваць па правілах рэжыму калоніі.
Ніякіх маскітных сетак там, зразумела, няма. Пры гэтым жылыя баракі практычна ўвесь час знаходзяцца на праветрыванні. І мошкі літаральна грызуць зняволеных. Як паведамляюць родныя асуджаных, у многіх на целе множныя пухіры і алергія. І яны страшна ад гэтага пакутуюць.
Такая ж сітуацыя ў так званай «гасцініцы для працяглых спатканняў», у якую прыязджаюць родныя асуджаных. Дарэчы, па шматлікіх водгуках, гэта адна з найгоршых такіх «гасцініц» у сістэме ДВП Беларусі. У пакоях там пастаянная сырасць. І калі памяшканне там не адкрыць на праветрыванне, то спаць там проста нерэальна. Але калі гэта зрабіць — машкара ў пакоі літаральна кішыць.
Пры гэтым адміністрацыя калоніі па-ранейшаму забараняе да праносу рэпеленты. Адзіны варыянт — максімальна намазаць сябе тоўстым слоем мазяў. Але гэтага хапае толькі на паўдня. А ў большасці асуджаных няма і гэтай магчымасці.
Цяпер чытаюць
У сацсетках Хлястова апублікавалася відэа, запісанае на выпадак яго затрымання. Сам спявак на Акрэсціна19
Каментары