Лэдзі Гага стала кіраўніцай Камітэта па мастацтве і гуманітарных навуках ЗША
На гэтую пасаду яе прызначыў прэзідэнт Штатаў Джо Байдэн.
Сустаршынямі адроджанага прэзідэнцкага камітэта па мастацтве і гуманітарных навуках сталі уладальніца прэміі «Грэмі» Лэдзі Гага і прадзюсар Брус Коэн, піша Rolling Stone.
Камітэт вяртаецца пасля пяцігадовага перапынку — праўленне было распушчанае пры адміністрацыі Трампа ў знак пратэсту супраць рэакцыі былога прэзідэнта на мітынг прыхільнікаў перавагі белых у 2017 годзе ў Шарлотсвілі, штат Вірджынія.
У верасні Байдэн падпісаў распараджэнне аб адраджэнні камітэта, які быў створаны ў 1982 годзе пры былым прэзідэнце Рональдзе Рэйгане як частка Інстытута музейнага і бібліятэчнага абслугоўвання.
Сярод іншых кандыдатаў у камітэт — тэлевізійны прадзюсар Шонда Раймс, лаўрэат прэміі «Грэмі» Джо Уолш, а таксама акцёры Джордж Клуні, Джэніфер Гарнэр, Трой Коцур, Джон Батыст і Кэры Вашынгтон.
Лэдзі Гага была заўзятай прыхільніцай Байдэна на працягу ўсёй яго прэзідэнцкай кампаніі.
-
Аўтар «Мінатаўра» пагадзіўся з Пясковым, што ў яго «няма права голасу». Бо яго няма ні ў кога
-
«Пагрозы ўвасабляюць адчай». Еўрапейскія дыпламаты не будуць пакідаць Кіеў пасля расійскіх застрашванняў
-
Расія ўключыла магутны РЭБ-«магніт» у Калінінградзе? Магчыма ў тым прычына, чаму апошнія дні баявыя дроны масава залятаюць у Беларусь
Каментары