«Назіраецца нейкая празмерная засакрэчанасць і кулуарнасць». Дэпутаты гавораць пра непразрыстасць стварэння саюзнага медыяхолдынга
У Мінску занепакоеныя празмернай «кулуарнасцю і засакрэчанасцю працы» па падрыхтоўцы канцэпцыі новай медыяструктуры. Пытанні стварэння саюзнага медыяхолдынга абмеркавалі парламентарыі ў Мінску, перадае Sputnik.
«Мы з нецярпеннем чакаем інфармацыю ад Пастаяннага камітэта Саюзнай дзяржавы, ім даручана распрацаваць [канцэпцыю холдынгу саюзных СМІ]. Я ведаю, што ёсць праект [дакумента], распрацаваны міністэрствам інфармацыі Беларусі, які ўзяты за аснову гэтага холдынга», — заявіў старшыня камісіі Парламенцкага сходу Беларусі і Расіі па інфармацыйнай палітыцы, інфармацыйных тэхналогіях і сувязі Генадзь Давыдзька.
Паводле яго, засталося тры месяцы да заканчэння работы па стварэнні медыяхолдынга.
Сёння на пасяджэнні камісіі было заяўлена, што беларускі бок — міністэрства інфармацыі — адправіў свае прапановы, і расійскае профільнае ведамства іх вывучае.
Генадзь Давыдзька адзначыў, што ў яго ўзнікае занепакоенасць з-за таго, што ў пытаннях фармавання і распрацоўкі канцэпцыі саюзнага медыяхолдынга назіраецца «нейкая празмерная засакрэчанасць і кулуарнасць».
Парламентарыі прагаласавалі за тое, каб паскорыць работу па стварэнні праекта і канцэпцыі Саюзнага медыяхолдынга.
Каментары
Ведь может произойти как и с Купаловским Театром, всё хлебное будет у пришлых из России и под их контролем
А как они хотели? Ведь оккупация уже зафисикрована российским, ядерным оружием и под такой крышей, всех депутатов из РБ, весь клуб редакторов, можно менять на пришлых, что и будет сделано.
Россия так вычистила, от украинского и украинцев, весь, зазваченный Донбасс, так будет и в Беларуси, так уже есть.