Смаргонскага доктара па палітычнай справе асудзілі на 8 гадоў калоніі
Лекара 1-й кваліфікацыйнай катэгорыі, спецыяліста УГД Яўгена Бужынскага са Смаргоні асудзілі на 8 гадоў калоніі за «распальванне сацыяльнай варожасці» ў інтэрнэце (арт. 130 КК) і за хабар, паведамляюць праваабаронцы з «Вясны».
Пры гэтым вядомы сам факт, а ніякіх падрабязнасцяў па справе пакуль няма.
Яўгена Бужынскага затрымалі 10 чэрвеня, тады праваабаронцы таксама не змаглі даведацца нічога больш — толькі пра сам факт затрымання.
Артыкул «распальванне сацыяльнай варожасці» тыповы для палітычных спраў, ён у апошнія гады стаў аналагам артыкула «антысавецкая прапаганда» ў савецкія часы. Што да абвінавачвання ў хабарніцтве, то ёсць прыклады «справы Бабарыкі», «справы «Тут.бая» і «справы «Нашай Нівы», якія, на думку праваабаронцаў, маюць палітычны характар, але замаскаваныя пад эканамічныя.
Цяпер чытаюць
На пратэстанцкі фестываль у «Чыжоўку-Арэну» едзе амерыканскі прапаведнік Франклін Грэм. Разам з ім чакаюць Коўла з жонкай14
Каментары