Сінод РПЦ прызначыў новых епіскапаў на пінскую і слуцкую кафедры
Рашэнне аб абранні архірэяў на вакантныя кафедры беларускага экзархату было прынята падчас пасяджэння Святога Сінода Рускай Праваслаўнай Царквы, якое адбылося 27 траўня, піша church.by.
Удзельнікі пасяджэння Святога Сінода пастанавілі абраць Правялебным Пінскім і Лунінецкім архімандрыта Георгія (Вайтовіча), Правялебным Слуцкім і Салігорскім ‒ ігумена Яўсевія (Цюхлова).
Архімандрыт Георгій (Вайтовіч) — клірык Варварынскага жаночага манастыра ў горадзе Пінску. Эканом Пінскага епархіяльнага ўпраўлення.
Ігумен Яўсевій (Цюхлоў) — намеснік Елісееўскага Лаўрышаўскага мужчынскага манастыра Навагрудскай епархіі. Кіраваў адраджэннем старажытнага манастыра. Па ініцыятыве айца Яўсевія быў арганізаваны Дом міласэрнасці, дзе размяшчаюцца людзі, якія маюць патрэбу ў духоўнай падтрымцы і сацыяльнай рэабілітацыі.
У 2017 годзе ігумен Яўсевій стаў лаўрэатам прэміі «За духоўнае адраджэнне» за важкі ўклад у духоўна-маральнае і патрыятычнае выхаванне моладзі, арганізацыю дзейнасці мужчынскага манастыра і аказанне дапамогі людзям у цяжкай жыццёвай сітуацыі, а таксама асобам, якія пакутуюць ад наркаманіі і алкагалізму.
Чытайце таксама:
Памёр архіепіскап Пінскі Стэфан. Ëн быў адзіны, хто ўступіўся за архіепіскапа Арцемія
Цяпер чытаюць
Сталі вядомыя падрабязнасці пра трагедыю ў Полацкім манастыры16
Сталі вядомыя падрабязнасці пра трагедыю ў Полацкім манастыры
Памятаеце Данііла з Офіса Ціханоўскай, якому за два дні сабралі грошы на анкалагічную аперацыю? Яму напісаў той самы аднакласнік, які яго ўдарыў — з чаго ўсё і пачалося44
Каментары