У Польшчы будуць судзіць былога супрацоўніка сілавых органаў па абвінавачванні ў супрацоўніцтве з беларускім КДБ. Мазавецкае аддзяленне ўпраўлення па барацьбе з арганізаванай злачыннасцю і карупцыяй Нацыянальнай пракуратуры перадало справу ў Акруговы суд у Варшаве.
Пра гэта паведаміў прэс-сакратар міністра-каардынатара спецслужбаў Польшчы Станіслаў Жарын, піша reform.by.
Гжэгаж М. абвінавачваецца ў супрацоўніцтве з беларускім КДБ і спробе перадаць даныя, раскрыццё якіх можа нанесці шкоду Польшчы. Ён быў затрыманы ў кастрычніку мінулага года. Паведамлялася, што мужчына раней з'яўляўся супрацоўнікам сілавых органаў краіны. У васьмідзесятых ён служыў у спецназе польскай міліцыі ZOMO, затым у паліцыі, службу пакінуў у 2001 годзе ў якасці афіцэра памежнай службы.
Акрамя супрацоўніцтва з беларускім КДБ, абвінавачанаму інкрымінуецца захоўванне боепрыпасаў без неабходнага дазволу. Мужчына застаецца пад вартай.
Цяпер чытаюць
Сталі вядомыя падрабязнасці пра трагедыю ў Полацкім манастыры16
Сталі вядомыя падрабязнасці пра трагедыю ў Полацкім манастыры
Памятаеце Данііла з Офіса Ціханоўскай, якому за два дні сабралі грошы на анкалагічную аперацыю? Яму напісаў той самы аднакласнік, які яго ўдарыў — з чаго ўсё і пачалося44
Каментары