Зрушылася справа з эвакуацыяй цывільных асоб з завода «Азоўсталь» у Марыупалі
Сёння цэлы дзень перадусім праз расійскія крыніцы ішла інфармацыя, што з завода «Азоўсталь» у Марыупалі будзе праводзіцца эвакуацыя цывільнага насельніцтва пры ўдзеле міжнародных арганізацый. Цяпер пра гэта з'явілася крыху падрабязнасцяў і з украінскага боку.

Намеснік камандзіра палка «Азоў» Святаслаў Паламар апублікаваў відэазварот, у якім паведаміў, што на «Азоўсталі», хай і са спазненнем, але ўсталяваўся рэжым цішыні, і адтуль паступова пачынаюць выходзіць цывільныя людзі (многія знаходзяцца пад заваламі, іх даводзіцца ратаваць). Пакуль што перадалі для эвакуацыі 20 чалавек.
Паламар выказаў надзею, што цывільных, паводле дамоўленасцяў, адвязуць на падкантрольную Украіне тэрыторыю. Туды ж ён запатрабаваў вывезці параненых вайскоўцаў, але з гэтым пакуль ніякай яснасці няма.
Цяпер чытаюць
Памятаеце Данііла з Офіса Ціханоўскай, якому за два дні сабралі грошы на анкалагічную аперацыю? Яму напісаў той самы аднакласнік, які яго ўдарыў — з чаго ўсё і пачалося
Каментары